15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ռուսական ԱԹՍ-ները հարվածել են Ուկրաինայի երկու շրջանների էներգետիկ օբյեկտներին
Քաղաքականություն
26.07.2024 | 11:50
Ռուսական ԶՈՒ-ն հուլիսի 26-ի գիշերը հարձակվել է Ուկրաինայի վրա 22 «Շահեդ» տիպի հարվածային անօդաչու թռչող սարքերով և «Իսկանդեր-Մ» բալիստիկ հրթիռով։ Այս մասին ասել է Ուկրաինայի ԶՈւ-ի ռազմաօդային ուժերի հրամանատար Նիկոլայ Օլեշչուկը, գրում է Current time-ը։
Նրա տվյալներով՝ ԱԹՍ-ներից 20-ը խոցվել է ՀՕՊ համակարգերով Խերսոնի, Սումիի, Ժիտոմիրի և Չեռնիգովի շրջաններում։ Հրթիռը արձակվել է Դոնեցկի շրջանի վրա, դեռևս չի հաղորդվում հարվածի հետևանքների մասին։
«Ուկրէներգո»-ից հայտնել են, որ գիշերը ռուսական ԱԹՍ-ները հարվածներ են հասցրել ընկերության էներգետիկ օբյեկտներին Ժիտոմիրի և Չեռնիգովի շրջաններում։ Ժիտոմիրի շրջանի բնակիչները մնացել են առանց էլեկտրականության, սակայն առավոտից էլեկտրամատակարարումը վերականգնվել է։
Չեռնիգովի շրջանային ռազմական վարչակազմի ղեկավար Վյաչեսլավ Չաուսն էլ հայտնել է Նիժին քաղաքում ենթակառուցվածքային օբյեկտին և բնակելի հանրակացարանին հարվածի մասին։ Նրա խոսքով՝ մեկ խաղաղ բնակիչ վիրավորվել է։
Ժիտոմիրի շրջանում անօդաչու թռչող սարքերի բեկորներից վնասվել են քաղաքացիական ենթակառուցվածքները և էներգետիկ օբյեկտները։ Տեղի վարչակազմի ղեկավար Վիտալի Բունեչկոն իր տելեգրամ ալիքում հայտնել է, որ ոչ ոք չի տուժել։
