09.09.2026 | 14:08
Լավ ա չասեցիք՝ ամոթ ՀՀ-ին․ ՀԱՊԿ-ը չի կատարել իր պարտավորությունները․ Կարապետյանը՝ Ղազարյանին․ ՏԵՍԱՆՅՈՒԹ
Youtube-ի արագությունը ռուսների համակարգիչներում մեկ շաբաթում կնվազի 70%-ով․ Պետդումայի պատգամավոր
Քաղաքականություն
26.07.2024 | 12:02
Ռուսաստանի օգտատերերի համակարգիչներում YouTube վիդեոհոսթինգի արագությունը մեկ շաբաթում կնվազի 70%-ով, հայտարարել է Պետդումայի պատգամավոր Ալեքսանդր Խինշտեյնը, փոխանցում է Current Time-ը։
Պատգամավորի խոսքով՝ մինչև այս շաբաթվա վերջ YouTube-ի արագությունը կնվազի 40%-ով։ Սա վերաբերում է համակարգիչներին, մոբայլ տարբերակին սահմանափակումն առայժմ չի վերաբերում։
Խինշտեյնը տեսահոսթինգի դանդաղեցումն անվանել է «հարկադիր քայլ», որն ուղղված է հարթակի ադմինիստրացիայի դեմ։
«Ռեսուրսն ինքն իր աչքերով կտեսնի, որ պետությունը համոզումից անցել է կոնկրետ քայլերի, հետևաբար, YouTube-ի հետագա ճակատագիրը կախված է բացառապես իրենից, եթե ռեսուրսի ադմինիստրացիան չփոխի իր քաղաքականությունը և չսկսի ենթարկվել մեր օրենքներին, այստեղ ոչ մի լավ բան չի սպասվում»,- ընդգծել է նա։
Հուլիսի 12-ի առավոտյան «Ռոստելեկոմ»-ը ռուսաստանի օգտատերերին նախազգուշացրել էր YouTube-ի աշխատանքի հնարավոր դանդաղեցման մասին՝ կապված օպերատորի ցանցային ենթակառուցվածքում օգտագործվող Google սարքավորումների շահագործման տեխնիկական խնդիրների հետ:
«Ռոստելեկոմ»-ը նշել է, որ իրենք YouTube-ում տեսանյութերի վերբեռնման որակի վատթարացում են արձանագրում, և վստահեցրել են, որ դա կապված չէ իշխանությունների գործողությունների հետ։ Ընդգծվել է, որ Google-ը չի ընդլայնում և թարմացնում իր սարքավորումները Ռուսաստանում 2022 թվականից։
Meduza-ի աղբյուրներն այն ժամանակ հայտարարեցին, որ խոսքը վիդեոհոսթինգի դանդաղեցման սկզբի մասին է, և Ռուսաստանը դրա համար բավականաչափ գործիքներ ունի։ Gazeta.ru-ն էլ, վկայակոչելով նախագահի աշխատակազմին մոտ կանգնած աղբյուրը, գրել էր, որ YouTube-ի արգելափակումը կսկսվի սեպտեմբերին, մինչ այդ ծառայության աշխատանքի պայմանները «կվատթարանան» որոշ շրջաններում։
