19.04.2026 | 23:45
Գետերում նկատվում է ջրի մակարդակի բարձրացում. ՆԳՆ ՓԾ-ն անցել է ուժեղացված ծառայության
Կրեմլը կատաղած է վաղուց, լքել ՀԱՊԿ-ը և ԵՏՄ-ն օր առաջ, ԵՄ-ն կաջակցի. դառնանք Բելառո՞ւս, գուբերնիա՞. ՏԵՍԱՆՅՈՒԹ
Քաղաքականություն
25.07.2024 | 22:00
Մոսկվան ակնկալում է, որ Հայաստանը գործընկերների փնտրտուքի մեջ չի գնա Կիևի վարչակարգի ճանապարհով՝ ընտրելով Արևմուտքի և Ռուսաստանի միջև, ասել է ՌԴ նախագահի մամուլի քարտուղար Դմիտրի Պեսկովը․ «Մենք ապավինում ենք Հայաստանի քաղաքական իմաստությանը, պարզապես չէինք ցանկանա, որ այդ փնտրտուքները կատարվեին այն ռեժիմով, որը ժամանակին ընտրել էր Կիևը, այսինքն՝ «կամ-կամ»»։ Ահա այսպես է նա մեկնաբանել Եվրոպական խաղաղության գործիքի ներքո ՀՀ-ին աջակցության տրամադրման ԵՄ որոշումը։
Պեսկովն ընդգծել է, որ Հայաստանը Ռուսաստանի համար դաշնակից և եղբայրական երկիր է։ Իսկ Զախարովան ասել է, թե Եվրամիության՝ Հայաստանի զինված ուժերին 10 մլն եվրո հատկացնելու որոշումը բացառապես Հարավային Կովկասում իրավիճակն ապակայունացելու աշխարհաքաղաքական նպատակ է հետապանդում։ «ՀՀ-ի զինված ուժերին աջակցելու համար 10 միլիոն եվրո ուղարկելու Եվրամիության ծրագրերի հետևում, իհարկե, ԵՄ-ի աշխարհաքաղաքական հաշվարկներ են՝ իրենց կործանարար ազդեցությունն այս տարածաշրջանում, այսինքն՝ Անդրկովկասում տարածելու համար։ Ուկրաինայի օրինակից երևում է, որ, այսպես կոչված, Խաղաղության եվրոպական հիմնադրամը խաղաղության, կայունության, անվտանգության մասին չէ, այլ՝ պատերազմի, երկրներին հրահրելու, արյունահեղության մասին», – ասել է նա։ Ըստ Զախարովայի՝ «տարածաշրջանի անվտանգության և կայունության համար ոչ մի լավ բան չեն բերի Արևմուտքի՝ «բաժանիր և տիրիր», «հրահրիր և գժտեցրու», ինչպես նաև Հարավային Կովկասը զենքով լցնելու սկզբունքները»: «Ազատ քաղաքացի» ՀԿ ղեկավար Հովսեփ Խուրշուդյանը Factor TV-ի հետ զրույցում ասում է, որ գործ ունենք ռուսական շանտաժի հետ․
«ՌԴ-ն շանտաժ արեց ՀՀ-ին՝ քեզ վերացնելու եմ, մի՛ զինվիր, կուժեղանամ՝ Ադրբեջանի ձեռքով ոչնչացնեմ պետությունդ։ Ադրբեջանի հարձակումը ՀՀ-ի վրա՝ Արևմուտքի դեմ կլինի, եթե ԵՄ-ին անդամակցելու հայտ ներկայացնենք” Դառնանք Բելառո՞ւս, ՌԴ-ի գուբերնիա՞ ոչ մի քայլ չձեռնարկենք։ Կրեմլը կատաղած է վաղուց, պոկվե՛լ օր առաջ նրանից, ՀԱՊԿ-ն և ԵՏՄ-ն լքել, ԵՄ-ն ստիպված կլինի աջակցել մեզ։ Ռուսներն ու ադրբեջանցիները ՀՀ-ն վաղուց են Ուկրաինայի վերածել՝ խլելով Արցախը և հայաթափելով․ եթե չդիմադրենք՝ զինվելն էլ կարգելեն, որ կծախեն մեզ»,- ասաց Հովսեփ Խուրշուդյանը։
Հարցազրույցն ամբողջությամբ՝ տեսանյութում։
Ռոբերտ Անանյան
