15.05.2026 | 18:47
36 երկիր մտադիր է միանալ Ուկրաինայի դեմ Ռուսաստանի ագրեսիայի գործով հատուկ տրիբունալի աշխատանքին
Կառավարությունը հարկային արտոնություն տվեց ծխախոտ արտադրող նորաստեղծ ընկերությանը
Տնտեսություն
25.07.2024 | 12:34
Կառավարությունը չզեկուցվող հարցով ներմուծման մաքսատուրքից ազատելու արտոնություն տվեց ծխախոտի արտադրությամբ զբաղվող «ԱՐՄԵՆԻԱՆ ՏՈԲԱԿՈ ՔՈՄՓԱՆԻ» ՍՊԸ-ին։
Արտոնություն ստանալու համար ներկայացված ապրանքների արժեքը կազմում է 38․6 մլրդ դրամ, իսկ մաքսատուրքից ազատման արտոնությունը գնահատվում է 3․6 մլրդ դրամ:
Ընկերության կողմից ներմուծվող հումքը նախատեսվում է օգտագործել ծխախոտի արտադրության համար։
Կառավարության ներկայացրած հիմնավորման համաձայն՝ ծրագրի շրջանակներում նախատեսվում է իրականացնել շուրջ 13․3 մլրդ դրամի կապիտալ ներդրում և 38․6 մլրդ դրամի ներդրում հումքի ձեռքբերման համար։
Ընկերությունը ներդրումային ծրագրի շրջանակներում մինչև 2027 թվականը նախատեսվում է ստեղծել 200 նոր աշխատատեղ՝ 385 հազ դրամ միջին ամսական աշխատավարձով։
Ըստ Արդարադատության նախարարության իրավաբանական անձանց պետական ռեգիստրի՝ «ԱՐՄԵՆԻԱՆ ՏՈԲԱԿՈ ՔՈՄՓԱՆԻ»-ին իրական շահառուն Գևորգ Նալբանդյանն է։ Նա ընկերությունը հիմնադրել է այս տարվա մարտին։
Նշենք, որ մամուլի հրաարակումների համաձայն՝ Գևորգ Նալբանդյանի անունն առնչվում է բիզնեսի տարբեր ոլորտների, այդ թվում՝ սննդի արդյունաբերություն (պահածոներ, գինիներ), կահույքի արտադրություն, ֆինանսավարկային ոլորտ, ինչպես նաև՝ ավիացիա: Ըստ լրատվամիջոցների՝ Նալբանդյանը բիզնեսներ ունի նաև Շվեցարիայում։
Մանյա Պողոսյան
