03.07.2026 | 21:42
ԱԱԾ-ն հաստատում է՝ Քոչարյանի կադրերը կառույցն է տրամադրել իշխանական ԶԼՄ-ներին․ նպատակը չի բացահայտում. ՏԵՍԱՆՅՈՒԹ
Դեսպան Արմեն Մելքոնյանը հանդիպել է Եգիպտոսի Հաղորդակցության և տեղեկատվական տեխնոլոգիաների նախարարի հետ
Քաղաքականություն
11.07.2017 | 19:47
Եգիպտոսում ՀՀ դեսպանությունում հուլիսի 10-ին տեղի ունեցավ դեսպան Արմեն Մելքոնյանի և Եգիպտոսի Հաղորդակցության և տեղեկատվական տեխնոլոգիաների նախարար Յասեր Էլ-Կադի հանդիպումը։ Այս մասին «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից:
Հանդիպման ընթացքում քննարկվեցին երկու երկրների միջև ՏՏ ոլորտում համագործակցության հեռանկարները, ամփոփվեցին այս տարվա մայիսին Կահիրեում կայացած տեղեկատվական տեղխնոլոգիաների ոլորտում հայ-եգիպտական ֆորումի արդյունքները։ Զրուցակիցները գոհունակությամբ ընդգծեցին, որ ֆորումը նպաստել է փոխշահավետ համագործակցության համար առավել խոստումնալից ենթաոլորտների բացահայտմանը՝ ի հայտ բերելով փորձի փոխանակման և ներդրումային համատեղ ծրագրեր իրականացնելու մի շարք հնարավորություններ։
Երկուստեք կարևորվելով գործարարների ու փորձագետների միջև տարբեր մակարդակի փոխայցելությունները և շփումները, միմյանց մասնագիտական համաժողովներին և ցուցահանդեսներին փոխադարձ մասնակցությունը՝ կողմերը դիտարկեցին գործնական կապերի ամրապնդմանն ուղղված հետագա քայլերը։
