Քաղաքականություն
25.07.2024 | 18:22
Նախիջևանում կալանավորվել է N զորամասի հրամանատար, գնդապետ Սամիր Մաթլաբ օղլու Խազիևը, գրում են ադրբեջանական լրատվամիջոցները։ Զինդատախազի ավագ օգնական, Զինվորական դատախազության մամուլի ծառայության ղեկավար Ֆիրադ Ալիևը հայտնել է, որ Նախիջևանի Ինքնավար Հանրապետությունում տեղակայված N զորամասի հրամանատար, գնդապետ Սամիր Մաթլաբ օղլու Խազիևին մեղադրանք է առաջադրվել քրեական օրենսգրքի 341.2.3 հոդվածով։
Ադրբեջանի զինվորական դատախազության առաջարկով Բաքվի զինվորական դատարանի որոշմամբ նրա նկատմամբ խափանման միջոց է կիրառվել կալանավորումը։ Քննությունը շարունակվում է։
Ըստ լրատվամիջոցներում տարածված տեղեկությունների՝ Խազիևը Նախիջևանի համազորային բանակի նախկին հրամանատար, գեներալ-գնդապետ Քերեմ Մուստաֆաևի մտերիմներից է։
