16.08.2026 | 14:30
Վթարային ջրանջատում Երևանում
Ինչպես է ԲԷՑ-ից 12 մլն դրամով որպես ջարդոն լիկվիդացված տրանսֆորմատորը հայտնվել «Միկմետալ» ընկերությունում․ Դավիթ Սանասարյան․ ՏԵՍԱՆՅՈՒԹ
Հասարակություն
05.09.2018 | 12:10
«ԲԷՑ-ից 310 մլն դրամ առաջիկա օրերին կվերադարձնենք պետբյուջե։ Այնտեղ իրականացված ուսումնասիրությունների արդյունքում, օրինակ, պարզ դարձավ, որ ԲԷՑ-ի տնօրեններից մեկն իր առանձնատունը կառուցել է աշխատողների հաշվին, աշխատակիցները տնօրենի հրահանգով կառուցել են իր տունը։ Սրանց վերաբերյալ մանրամասներ դեռ չեմ կարող ներկայացնել, պարզապես ասեմ, որ ԲԷՑ-ում ստուգումները դեռ չեն ավարտվել»,- այս մասին այսօր իր պաշտոնավարման 100 օրվա ամփոփման ժամանակ ասաց Պետական վերահսկողական ծառայության պետ Դավիթ Սանասարյանը։
«ԲԷՑ-ում կատարված մեկ այլ ուսումնասիրության արդյունքում ականատես եղանք, օրինակ, որ ածելիով ջնջել էին տրանսֆորմատորների գները, որով ձեռք են բերել, հետո գրիչով նոր գին էին գրել, և դա կատարվել է 21-րդ դարում։ Մեկ այլ դեպքի մասին ևս՝ ԲԷՑ-ում 12 մլն դրամով որպես ջարդոն լիկվիդացված ջարդոնը հայտնվել է «Միկմետալ» ընկերությունում»,- ասաց նա՝ նշելով որ այս գործով հարուցվել է քրեական գործ։
Պետական վերահսկողության ծառայության պետը նաև նշեց, որ ուսումնասիրություններ են սկսել Պաշտպանության նախարարությունում, որի արդյունքում պարզվել է, որ իրավապահ մարմիններն այնտեղ քրեական գործեր են հարուցել, իսկ այդ պարագայում իրենց գերատեսչությունը չի կարող շարունակել իր ուսումնասիրությունները, ուստի վարչապետի հետ ձեռք է բերվել պայմանավորվածություն ՊՆ-ում ավելի ուշ ստուգումներ անցկացնելու վերաբերյալ։
Մանրամասները՝ տեսանյութում։
