14.01.2026 | 18:44
Ղրղզստանում առաջարկում են Վլադիմիր Սոլովյովին անցանկալի անձ հայտարարել
Հարավային Կովկասի ճակատագիրը պետք է վճռեն բացառապես տարածաշրջանի երկրները․ Զախարովա
Քաղաքականություն
24.07.2024 | 13:42
Հարավային Կովկասի ճակատագիրն ու ապագան պետք է որոշեն բացառապես տարածաշրջանի երկրները և հարևան գործընկեր պետությունները։ Այս մասին իր ամենշաբաթյաճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Դրսից ոչ ոք հաստատ խաղաղություն ու բարեկեցություն չի բերի մեր ընդհանուր տուն։ Դա արդեն ապացուցված է դարերով»,- հայտարարել է Զախարովան։
Ռուսաստանի ԱԳՆ ներկայացուցիչը, անդրադառնալով Ադրբեջանի նախագահ Իլհամ Ալիևի խոսքերին, թե Երևանի և Բաքվի միջև խաղաղության համաձայնագիրը համաձայնեցված է 80-90%-ով, նշել է, որ տարածաշրջանում կայուն և երկարաժամկետ խաղաղության հասնելու համար Հայաստանի և Ադրբեջանի միջև խաղաղության պայմանագրի կնքման ակտիվ նախապատրաստման կարևորությունը հատկապես ընդգծվել է Ռուսաստանի Դաշնության, Ադրբեջանի և Հայաստանի ղեկավարների 2022 թվականի հոկտեմբերի 31-ի հայտարարության մեջ։
Նրա խոսքով՝ երեք երկրների ղեկավարները նաև պայմանավորվել են շարունակել առկա զարգացումների հիման վրա փոխընդունելի լուծումների որոնումը։ Զախարովան նաև նշել է, որ ՌԴ-ն պատրաստ է իր հարթակը տրամադրել Ադրբեջանի և Հայաստանի ներկայացուցիչների միջև բանակցությունների համար և ստեղծել նրանց համար առավել հարմարավետ պայմաններ։
