21.01.2026 | 23:30
Ինչ իրավիճակ է Հայաստանի ճանապարհներին և Լարսում
«Հայրենիք-սփյուռք» ՊՈԱԿ-ն առաջիկա օրերի 100 մլն դրամ կվերադարձնի պետբյուջե․ Դավիթ Սանասարյան․ ՏԵՍԱՆՅՈՒԹ
Քաղաքականություն
05.09.2018 | 12:48
Պետական վերահսկողական ծառայության պետ Դավիթ Սանասարյանն այսօր հրավիրված մամուլի ասուլիսի ժամանակ ամփոփեց իր պաշտոնավարման 100 օրը։
Վերջինս ամփոփումն սկսեց իր ղեկավարած գերատեսչությունում մեկնարկած կադրային քաղաքականությունից, նշեց,որ անձանակազմն են համալրել նոր մասնագետներով, իսկ օգոստոսի կեսերից էլ «նոր կարողացել են ունենալ բյուջե»։
Անդրադառնալով Պետական վերահսկողական ծառայության կողմից այս 100 օրերի ընթացքում կատարված բացահայտումներին՝ Դավիթ Սանասարյանը նշեց․«Մենք ուսումնասիրություններ ենք կատարել ԲԷՑ-ում, Հայաստանի Ազգային ագրարային համալսարանում, որի վերաբերյալ, ի դեպ, արդեն ունենք արդյունքներ, Երևանի պետական համալսարանում և մի շարք այլ ընկերություններում։ Ուսումնասիրություններ են կատարվել նաև «Լուսանշան» ՊՈԱԿ-ում, որտեղ արձանագրված խախտումների արդյունքում 210 մլն դրամ պետք է վերադարձվի պետական բյուջե»,- ասաց նա։
Դավիթ Սանասարյանը նաև նշեց, որ առաջիկա օրերին «Հայրենիք-սփյուռք» ՊՈԱԿ-ը պետական բյուջե կվերադարփնի 100 մլն դրամ։
Մանրամասները տեսանյութում։
