23.01.2026 | 23:21
Մասկը վերադարձել է մեծ քաղաքականություն և շարունակում է ֆինանսավորել հանրապետականներին. WSJ
Բիձինա Իվանիշվիլիի դեմ մահափորձ է նախապատրաստվել․ Վրաստանի պետական անվտանգության ծառայություն
Քաղաքականություն
24.07.2024 | 12:54
Վրաստանի պետական անվտանգության ծառայությունը հայտարարել է, որ հետաքննում է իշխող «Վրացական երազանք» կուսակցության հիմնադիր և պատվավոր նախագահ Բիձինա Իվանիշվիլիի սպանության նախապատրաստումը։ «Ուկրաինայում գտնվող Վրաստանի կառավարության նախկին բարձրաստիճան պաշտոնյաների կազմակերպմամբ և ֆինանսավորմամբ հանցավոր գործողությունների նախապատրաստման փաստերով, այդ թվում՝ Բիձինա Իվանիշվիլիի սպանության փաստերով, հետաքննությունը շարունակվում է»,-ասվում է հայտարարության մեջ։
Այսպիսով, գերատեսչությունը հաստատել է վրացական լրատվամիջոցների տարածած տեղեկությունը։ «Հանրության բարձր հետաքրքրությունից ելնելով՝ տեղեկացնում ենք, որ Պետանվտանգության ծառայությունը հետաքննություն է վարում ահաբեկչության նախապատրաստման և պետական իշխանությունը տապալելու համար դավադրության հանցագործությունը Վրաստանի Քրեական օրենսգրքի 18-323-րդ հոդվածի առաջին մասով և 315-րդ հոդվածի առաջին մասով»,-ասվում է հայտարարության մեջ։
Նշվում է, որ հետաքննվում են Բիձինա Իվանիշվիլիի սպանության նախապատրաստման փաստերը։ Ըստ հաղորդագրության՝ Վրաստանի նախկին բարձրաստիճան պաշտոնյաները և Ուկրաինայում գտնվող նախկին իրավապահների կողմից նախապատրաստված գործողությունների նպատակն է եղել անկարգություններ կազմակերպելը և իշխանության թուլացման ֆոնին ՝ բռնի միջոցներով պետական իշխանությունը տապալելը։
