25.06.2026 | 17:07
Ընթացքի մեջ է Կարապետյանի` քաղաքացիություններից հրաժարվելու գործընթացը. Վարդևանյան․ ՏԵՍԱՆՅՈՒԹ
Մոսկվայում ավտոմեքենա է պայթել, որում եղել է ՊՆ սպա
Քաղաքականություն
24.07.2024 | 17:33
Մոսկվայում Սինյավինսկայա փողոցի կայանատեղիներից մեկում ավտոմեքենա է պայթել, սեփականատերն ու ուղևորը վիրավորվել են։ Այս մասին հայտնում են ՌԴ Քննչական կոմիտեից և ՆԳՆ-ից, գրում է Current time-ը։ Միջադեպը տեղի է ունեցել հուլիսի 24-ի առավոտյան։
Baza տելեգրամ ալիքը գրում է, որ Toyota Land Cruise մակնիշի մեքենայում եղել են Հետախուզության գլխավոր վարչության սպա և նրա կինը։«112» տելեգրամ ալիքի տվյալներով տուժածը 49-ամյա գործող զինծառայող Անդրեյ Տ․-ն է։ Նշվում է, որ մեքենան պատկանում է Մոսկվայի մարզի թիվ 33790 զորամասի (ՌԴ արբանյակային կապի 89-րդ կենտրոն) ռադիոկենտրոնի պետի տեղակալ Անդրեյ Տորգաշովին։
Ըստ «Կոմերսանտ»-ի՝ տուժածը ծառայել է Հետախուզության գլխավոր վարչությունում և պատասխանատու է եղել իր ստորաբաժանման կոմունիկացիաների համար։
«Մոսկովսկի կոմսոմոլեց»-ը հայտնում է, որ Տորգաշովի վնասվածքները ծանր են, երկու ոտքերը անդամահատվել են, կինը վնասվածքներ է ստացել դեմքի հատվածում:
ՌԴ Քննչական կոմիտեն քրեական գործ է հարուցել. ըստ «Կոմերսանտ»-ի՝ գործը հարուցվել է սպանության փորձի հոդվածով, սակայն այն կարող է վերաորակվել որպես ահաբեկչություն։ Տելեգրամ ալիքները գրում են, որ, հավանաբար, մեքենայի տակ տեղադրված է եղել պայթուցիկ սարք, որը պայթել է, երբ զինվորականը նստել է մեքենան։
