07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Թուրքիայի ԱԳՆ-ն հերքում է Մոսկվայում Էրդողանի ու Ասադի սպասվող հանդիպման մասին տեղեկությունը
Քաղաքականություն
23.07.2024 | 18:30
Թուրքիայի ԱԳՆ բարձրաստիճան պաշտոնյան արձագանքել է այն տեղեկություններին, թե Ռեջեփ Թայիփ Էրդողանի և Սիրիայի նախագահ Բաշար Ասադի հանդիպում է տեղի ունենալու Մոսկվայում։ Թուրքական լրատվամիջոցների փոխանցմամբ՝ պաշտոնյան հայտարարել է․ «Լուրը, որ մեր նախագահը Մոսկվայում հանդիպում է ունենալու Սիրիայի նախագահ Ասադի հետ, չի արտացոլում իրականությունը»։ Նա միաժամանակ նշել է, որ Էրդողանի ու Ասադի հանդիպումը մնում է օրակարգում։
Ավելի վաղ Daily Sabah-ը, իր աղբյուրներին վկայակոչելով, հայտնել էր, որ Թուրքիայի նախագահ Ռեջեփ Թայիփ Էրդողանի և Սիրիայի նախագահ Բաշար Ասադի միջև սպասված հանդիպումը տեղի կունենա Մոսկվայում։
«Էրդողանի և Ասադի առաջին հանդիպումը նախատեսվում է անցկացնել Ռուսաստանի մայրաքաղաք Մոսկվայում։ Պուտինը հանդես կգա որպես միջնորդ բանակցություններում, իսկ Իրաքի վարչապետ Մուհամեդ Շիա Ալ Սուդանին կարող է հրավիրվել», – ասել էր աղբյուրը՝ հավելելով, որ հանդիպումը կարող է տեղի ունենալ օգոստոսին։
