07.10.2026 | 14:29
Սեպտեմբերին Հայաստան է այցելել 290 հազար զբոսաշրջիկ․ Պապոյան
ՌԴ «Կովկաս» նավահանգստում ԱԹՍ-ները հարձակվել են լաստանավի վրա․մեկ մարդ զոհվել է, կան վիրավորներ
Քաղաքականություն
23.07.2024 | 12:44
Ուկրաինական անօդաչու սարքերը հուլիսի 23-ի առավոտյան հարձակվել են «Կովկաս» նավահանգստում գտնվող լաստանավի վրա։ Այս մասին հայտնել է Կրասնոդարի երկրամասի նահանգապետ Վենիամին Կոնդրատևը, գրում է Meduza-ն։ Ըստ նահանգապետի՝ հարձակման հետևանքով հրդեհ է բռնկվել, կրակի տարածման վտանգ չկա։ Կոնդրատևը նաև հայտարարել է, որ անձնակազմի անդամներից և նավահանգստի աշխատակիցներից մեկը զոհվել է, կա մի քանի վիրավոր։
Դեպքի վայրում աշխատում են արտակարգ ծառայությունները։ Նշվում է, որ տուժածներին ցուցաբերվում է անհրաժեշտ ողջ օգնությունը։ ՌԴ ՊՆ-ն ավելի վաղ հայտնել էր, որ գիշերը հակաօդային պաշտպանության ուժերը խոցել են ուկրաինական 25 անօդաչու թռչող սարք։ Բրյանսկի և Բելգորոդի շրջաններում որսացել են երկու անօդաչու թռչող սարք, ևս 21 անօդաչու թռչող սարք ոչնչացվել է Ղրիմի և Սև ծովի տարածքում։ Նշվում է, որ Բելգորոդի շրջանում ԱԹՍ-ների հարձակումից հինգ տեղի բնակիչ է տուժել։
