09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
ՌԴ-ն սահմանափակում է մուտքը Բելգորոդի շրջանի սահմանամերձ շրջաններ
Քաղաքականություն
23.07.2024 | 12:15
Բելգորոդի շրջանի իշխանությունները երեքշաբթի օրվանից սահմանափակում են մուտքը Ուկրաինայի հետ սահմանին գտնվող 14 բնակավայրեր, որոնք գտնվում են ուկրաինական զորքերի հարվածների տակ, գրում է BBC-ի ռուսական ծառայությունը։
«Հուլիսի 23-ից մենք սահմանափակում ենք մուտքը 14 բնակավայր, որտեղ օպերատիվ իրավիճակը ծայրահեղ ծանր է», – ասել է Բելգորոդի մարզի նահանգապետ Վյաչեսլավ Գլադկովը։
«Բնակավայրերի մուտքերի մոտ տեղադրվելու են անցակետեր, որոնց մոտ ծառայելու են իրավապահ մարմինների ներկայացուցիչներ։ Հասարակական տրանսպորտի, այդ թվում՝ տաքսիների մուտքն այս բնակավայրեր արգելվելու է»,- հավելել է Գլադկովը։ Բնակավայրեր այցելել ցանկացողները պետք է թույլտվություն ստանան տեղական իշխանություններից։ «Միայն չափահաս տղամարդկանց թույլ կտան մուտք գործել խիստ կանոնակարգերի համաձայն»,-ասել է նահանգապետը։
