14.01.2026 | 11:30
ՀՀ իրավազորությունը սահմանային և մաքսային գործողությունների նկատմամբ անքննարկելի են․ ԱԳ նախարար․ ՏԵՍԱՆՅՈՒԹ
Երևանում առժամանակ ծառեր չեն հատի․ դատարանը վարույթ է ընդունել ընդդիմադիր խմբակցության հայցը. ՏԵՍԱՆՅՈՒԹ
Տնտեսություն
22.07.2024 | 21:15
Երևանում կենսունակությունը կորցրած ծառերի փոխարինում առժամանակ տեղի չի ունենա․ Վարչական դատարանը վարույթ է ընդունել Երևանի ավագանու «Ազգային առաջընթաց» խմբակցության անդամ Արամ Թորոսյանի դատական հայցն ընդդեմ քաղաքապետարանի։ Խմբակցության անդամ Քրիստինա Վարդանյանը մանրամասնում է՝ իրենք խնդրել էին պարտավորեցնել քաղաքապետարանին ձեռնպահ մնալ առանց համապատասխան ՇՄԱԳ եզրակացության կենսունակությունը կորցրած ծառերը փոխարինելուց։
Այս և նախորդ տարի մասնագետներն ու բնապահպանները պարբերաբար ահազանգում էին, որ Երևանի փողոցներից հատվում են առողջ ծառեր և դրանց փոխարեն քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ը տնկում է Երևանի կլիմային ոչ համապատասխան, ռիսկային ծառատեսակներ, ինչպիսիք են սակուրան, հուդայածառը, ալբիցան, ձիակասկը և այլն։
ՀՈԱԿ-ի տնօրեն Արմեն Բեգոյանն ասում է՝ կանաչ տարածքների վերաձևավորումը Երևանի քաղաքապետարանի մասնագիտական հիմնարկի տիրույթում է և դրա համար ՇՄԱԳ եզրակացություն անհրաժեշտ չէ։
Քրիստինա Վարդանյանը հակադարձում է՝ ընդհանուր օգտագործման կանաչ տարածքներում ցանկացած գործողություն պահանջում է ՇՄԱԳ փորձաքննություն, որը ծառերի փոխարինման տվյալ ծրագրի շրջանակում չի իրականացվել։
2025 թվականի փետրվարի 4-ին տեղի կունենա նախնական դատական նիստը, իսկ մինչ այդ Երևանում առանց ՇՄԱԳ եզրակացության առկայության ծառերի հատում չի իրականացվի։
Մանրամասները՝ տեսանյութում։
Արփի Հակոբյան
