20.07.2026 | 23:24
Հայաստանը կունենա լեզվական պետական քաղաքականության նոր հիմնադրույթներ
Չեխիան ևս 100 հազար միավոր զինամթերք կուղարկի Ուկրաինա
Քաղաքականություն
22.07.2024 | 18:10
Ամռան ամիսներին ևս 100 հազար միավոր զինամթերք կուղարկվի Ուկրաինա, հայտարարել է Չեխիայի արտգործնախարար Յան Լիպավսկին։ «Հուլիս և օգոստոս ամիսներին մենք կուղարկենք ևս 100.000 զինամթերք։ Այժմ մենք փող ենք փնտրում նոր զինամթերք ձեռք բերելու համար, որպեսզի նախաձեռնությունը շարունակվի 2025 թվականին»,- Լիպավսկու խոսքերն է մեջբերում «Չեխական լուրերը»։
Մինչև տարեվերջ, նրա խոսքով, նախատեսվում է Ուկրաինա մատակարարել 500 հազար միավոր զինամթերք։ Այս տարվա փետրվարին Չեխիայի նախագահ Պետր Պավելը հայտարարել էր երրորդ երկրներից Ուկրաինայի համար 800 հազար պարկուճ գնելու հնարավորության մասին, եթե դրանց գնման համար անհրաժեշտ գումարը հավաքվի։
Պրահայի նախաձեռնությանը միացել են ԵՄ և ՆԱՏՕ-ի 15 երկրներ՝ զինամթերք գնելու համար հատկացնելով 1,6 միլիարդ եվրո։
