09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Ադրբեջանի խորհրդարանի ընտրություններում 1048 պատգամավորի թեկնածու է առաջադրվել
Քաղաքականություն
22.07.2024 | 17:39
Ադրբեջանում կայանալիք խորհրդարանական ընտրություններում այս պահին պատգամավորի թեկնածու է առաջադրվել 1048 մարդ։ Այս մասին ադրբեջանական լրատվամիջոցների փոխանցմամբ՝ հայտարարել է Կենտրոնական ընտրական հանձնաժողովի նախագահ Մազահիր Փանահովը։ Նա նշել է, որ առաջադրվածներից 700-ի թեկնածությունն արդեն հաստատվել է։
Ընդհանուր առմամբ, քվեարկությունը կանցկացվի 125 ընտրատարածքի 6400 ընտրատեղամասերում։
Հիշեցնենք՝ հունիսի 28-ին Ադրբեջանի նախագահ Իլհամ Ալիևը հրամանագիր էր ստորագրել երկրի վեցերորդ գումարման խորհրդարանը ցրելու և արտահերթ ընտրություններ նշանակելու մասին։ Ընտրությունները կանցկացվեն 2024 թվականի սեպտեմբերի 1-ին։ Երկրի Սահմանադրական դատարանի պլենումն ավելի վաղ քննարկել էր Ալիևի դիմումը Միլլի Մեջլիսը ցրելու և արտահերթ ընտրություններ նշանակելու վերաբերյալ՝ որոշելով, որ այն համապատասխանում է Սահմանադրությանը։
