18.09.2024 | 23:26
Շախմատի համաշխարհային Oլիմպիադա․ Հայաստանի տղամարդկանց հավաքականը հաղթեց Անգլիայի ընտրանուն
Ողջունում ենք ԵՄ ԱԳ նախարարների որոշումները՝ ԵԽ գործիքի ներքո Հայաստանին աջակցության տրամադրման և վիզայի ազատականացման երկխոսության մեկնարկի վերաբերյալ. Միրզոյան
Քաղաքականություն
22.07.2024 | 12:06
Քիչ առաջ ԵՄ խորհրդի՝ արտաքին գործերի նախարարների կողմից որոշումներ են կայացվել, որոնց կապակցությամբ ՀՀ ԱԳ նախարար Արարատ Միրզոյանը հայտնել է, որ դա ՀՀ-ԵՄ գործընկերության շատ կարևոր հանգրվան է․ տեղեկացնում են ՀՀ ԱԳՆ-ից։
«Մենք մեծապես ողջունում ենք ԵՄ կողմից՝ արտաքին գործերի նախարարների մակարդակով կայացված պատմական որոշումները Եվրոպական խաղաղության գործիքի ներքո Հայաստանին աջակցության տրամադրման և վիզայի ազատականացման երկխոսության մեկնարկի վերաբերյալ։
Սա ՀՀ-ԵՄ գործընկերության շատ կարևոր հանգրվան է, գործընկերություն, որը խորանում է՝ հիմնված ընդհանուր արժեքների և սկզբունքների, ինչպես նաև կայունության, խաղաղության և բարեկեցության տեսլականի վրա։
Անկեղծորեն շնորհակալություն եմ հայտնում ԵՄ կառույցների և անդամ երկրների իմ գործընկերներին»,- ասված է հաղորդագրությունում։
Ավելի վաղ տեղեկացրել էինք, որ Եվրոպական միության Նախարարների խորհուրդն օրակարգ է մտցրել և հաջորդ երկուշաբթի պետք է քննարկի ՀՀ-ի հետ վիզաների ազատականացման շուրջ բանակցություններ սկսելու՝ Եվրահանձնաժողովի առաջարկը։
