26.06.2026 | 20:56
Խորվաթիան վերահաստատել է աջակցությունը ԵՄ-ի հետ ՀՀ խորացող գործընկերությանը. տեղի է ունեցել Սաֆարյան-Մատուշիչ հանդիպում
Ադրբեջանցիները պայթեցրել են գմբեթները, հետո հիմնահատակ ավերել․ Շուշիի Կանաչ ժամը կանգուն մնաց 175 տարի․ ՏԵՍԱՆՅՈՒԹ
Հաղորդաշարեր
22.07.2024 | 20:00
Արցախի Սուրբ Հովհաննես Մկրտիչ եկեղեցին, առավել հայտնի՝ Շուշիի Կանաչ ժամը, տեսանելի էր քաղաքի գրեթե բոլոր բնակելի թաղամասերից։ Եկեղեցին Կանաչ ժամ անունը ստացել էր ժամանակին կանաչ գույնի գմբեթ ունենալու պատճառով։ Նախնական կառույցը եղել է փայտաշեն, եկեղեցին և զանգակատունը կառուցվել են 1847 թվականին՝ որպես մեկ ամբողջական համալիր: Մինչև 2020 թ․ 44-օրյա պատերազմը, Սուրբ Հովհաննես եկեղեցին եղել է ոչ միայն արցախցիների, այլև Արցախ այցելողների սիրելի վայրերից մեկը։ «Պատմամշակութային Ժառանգության Գիտահետազոտական Կենտրոն» ՊՈԱԿ–ի ֆեյսբուքյան էջում նշվում է, որ 2020 թվականի նոյեմբերին ադրբեջանական զինված ուժերի կողմից Շուշին բռնազավթելուց հետո Կանաչ ժամն առաջին հուշարձաններից էր, որը ենթարկվեց վանդալիզմի և պատմաճարտարապետական տեսքի աղավաղման։
