30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ջո Բայդենը հաջորդ շաբաթ մտադիր է վերադառնալ նախընտրական քարոզարշավին
Քաղաքականություն
20.07.2024 | 14:55
ԱՄՆ նախագահ Ջո Բայդենը պատրաստվում է հաջորդ շաբաթ վերսկսել մասնակցությունը նախընտրական միջոցառումներին, որոնք դադարեցվել էին կորոնավիրուսի պատճառով․ գրում է The Washington Times-ը՝ վկայակոչելով անձամբ ամերիկացի առաջնորդի հայտարարությունը։
«Բայդենը խոստացել է շարունակել իր նախընտրական արշավը նույնիսկ այն բանից հետո, երբ առնվազն 30 դեմոկրատ օրենսդիրներ կոչ են արել նրան հեռանալ պաշտոնից։Ընդ որում ոմանք ասել են, որ նախագահը կարող է դուրս գալ պաշտոնից արդեն այս շաբաթավերջին», – գրում է թերթը:
«Ես անհամբեր սպասում եմ հաջորդ շաբաթ վերադառնալու քարոզարշավին, որպեսզի շարունակեմ բացահայտել Դոնալդ Թրամփի «Project 2025»-ի վտանգը, միևնույն ժամանակ ներկայացնելով իմ սեփական պատմությունը և իմ տեսլականը Ամերիկայի համար, որով մենք կփրկենք մեր ժողովրդավարությունը, կպաշտպանենք մեր իրավունքներն ու ազատությունը և հնարավորություններ կստեղծենք բոլորի համար»,- ընդգծել է ԱՄՆ նախագահը։
Ավելի վաղ ԱՄՆ նախագահ Ջո Բայդենը հայտարարել էր, որ պատրաստ է դուրս գալ նախագահական մրցապայքարից, եթե առողջական լուրջ խնդիրներ ունենա։
Այնուամենայնիվ ԱՄՆ Դեմոկրատական ազգային կոմիտեն որոշել է մեկ շաբաթով հետաձգել նախագահ Ջոզեֆ Բայդենի առաջադրումը որպես պետության ղեկավարի թեկնածու։
