16.07.2026 | 20:12
Նյու Յորքում քննարկվել է ՄԱԿ-ի խաղաղապահ գործողություններին Հայաստանի մասնակցությունը
Նաիրի Հունանյանը դատապարտման օրվանից տեղաբաշխվել է ՀՀ ԱՆ «Երևան-Կենտրոն» քրեակատարողական հիմնարկի փակ տեսակի ուղղիչ հիմնարկ
Հասարակություն
04.09.2018 | 19:13
Երեկ Factor.am-ը գրավոր հարցում էր ուղարկել Արդարադատության նախարարությանը՝ հետաքրքրվելով 1999 թվականի հոկտեմբերի 27-ի գործով ցմահ ազատազրկման դատապարտված Նաիրի Հունանյանի գտնվելու վայրի և առողջական վիճակի մասին։ Նախարարությանը խնդրել էինք նաև պատասխանել, թե ե՞րբ է վերջին անգամ Նաիրի Հունանյանը օգտվել տեսակցության իր իրավունքից և ինչպե՞ս կարող ենք հավաստիանալ, որ նա պատժախցում կրում է իր պատիժը։
Գրավոր հարցման պատասխանը Factor.am-ը դեռ չի ստացել, փոխարենն այսօր Արդարադատության նախարարությունը տարածեց հաղորդագրություն, որում, մասնավորապես, ասված է․
«Վերջին օրերին զանգվածային լրատվամիջոցներով ակտիվորեն տեղեկատվություն է շրջանառվում Նաիրի Հունանյանի գտնվելու վայրի մասին: Վերոգրյալի կապակցությամբ հարկ ենք համարում հայտնել, որ ցմահ ազատազրկման դատապարտված Նաիրի Հունանյանը դատապարտման օրվանից տեղաբաշխվել է ՀՀ ԱՆ «Երևան-Կենտրոն» քրեակատարողական հիմնարկի փակ տեսակի ուղղիչ հիմնարկ, որտեղ էլ առ այսօր կրում է իր պատիժը»։
