23.06.2026 | 06:00
ԱԱ-2026. Նորվեգիան դուրս եկավ փլեյ-օֆֆ, Հոլանդը դարձյալ դուբլն գրանցեց. ՏԵՍԱՆՅՈՒԹ
«Ժառանգություն» կուսակցությունը հրապարակել է իր ընտրական ծրագիրը
Քաղաքականություն
04.09.2018 | 19:01
Սեպտեմբերի 23-ին նախատեսվող քաղաքապետի և ավագանու ընտրություններում 12 մասնակիցներից պաշտոնապես 5-րդ համարի ներքո գրանցված «Ժառանգություն» կուսակցությունն այսօր հրապարակեց մայրաքաղաքային իր ամբողջական ծրագիրը:
Ժառանգության ծրագիրը ներառում է հատվածներ, որոնք վերաբերում են քաղաքացիական իրավատեր ու հաշվետու կառավարմանը, համատիրությունների և քաղաքի զարգացման ծրագրերին, բնապահպանությանը, առողջապահությանը, կրթությանն ու մշակույթին, խաղաղությանն ու պաշտպանվածությանը, օրինական ու պատասխանատու կառուցապատմանը, անօթևանության բացառմանն ու աշխատատեղերի բացման հրամայականին, մարդավայել կոմունալ սպասարկմանը և որակյալ հանրային ծառայություններին, բարեկարգ, լուսավոր փողոցներին ու ասֆալտապատ ճանապարհներին, հարմարավետ, մատչելի հանրային տրանսպորտին և բարենպաստ գործարար միջավայրին:
Հրապարակման առթիվ «Ժառանգության» քաղաքապետի թեկնածու Րաֆֆի Կ. Հովհաննիսյանը կոչ արեց անմիջապես իրականացնել Երևան քաղաքի գույքագրման բազմաոլորտային վերլուծականը`ընդերքից մինչև նրա իրավասության տակ գտնվող յուրաքանչյուր տիրույթ, տարածք ու ծավալ:
«Երևանը ողջ Հայկական աշխարհի սիրտն ու նյարդային համակարգն է, և մենք բոլորս միասին պետք է աշխատենք, որպեսզի մեր հին ամրոցը դառնա համաշխարհային կարգի ժամանակակից մայրաքաղաք», – ասաց Հովհաննիսյանը:
