Մխիթար Հայրապետյանն այցելել է Siemens Industry Software՝ քննարկելու տեխնոլոգիական առաջընթացը և գործընկերության հնարավորությունները

19.07.2024 | 12:34

Լուրեր

11.01.2025 | 20:13

Կրակը Գլենդելից հեռու է. քաղաքապետը մանրամասներ է ներկայացրել

11.01.2025 | 20:08

Վերին Խոտանան գյուղում այրվել է մոտ 10 հա բուսածածկույթ

11.01.2025 | 19:09

Երկրաշարժ Սպիտակ քաղաքից 1 կմ հյուսիս

11.01.2025 | 19:00

Բառի բուն իմաստով մնացել ենք դրսում`լինելով միջազգային ճանաչման երգչախումբ, անթույլատրելի է. Հեքեքյան. ՏԵՍԱՆՅՈՒԹ

11.01.2025 | 18:00

Հայաստանի էներգետիկ անվտանգության գլխին կախված Դամոկլյան սուրը

11.01.2025 | 17:18

Մարգարա-Վանաձոր-Տաշիր ավտոճանապարհին բախվել են ավտոմեքենաներ․ կան տուժածներ

11.01.2025 | 16:59

Երևանի 2 վարչական շրջանում փոշու պարունակությունը գերազանցել է սահմանային թույլատրելի կոնցենտրացիան

11.01.2025 | 16:27

Որոշ շրջաններում ձյուն է սպասվում. առաջիկա օրերի եղանակի կանխատեսումը

11.01.2025 | 15:55

Նավթի գներն աճել են

11.01.2025 | 15:46

Վարչապետն այցելել է Գանձաքարի նորակառույց դպրոց. ՏԵՍԱՆՅՈՒԹ

11.01.2025 | 15:18

NYMEX. Թանկարժեք մետաղների գներն աճել են

11.01.2025 | 15:00

ՀՖՖ-ն ՈւԵՖԱ-ի համերաշխության վճարներ է բաշխել հայկական ակումբների միջև․ հայտնի է որքան են վաստակել ակումբները

11.01.2025 | 14:41

Տրանսպորտից օգտվելու տոմսային ինչպիսի փաթեթներ են առաջարկվում․ մանրամասնում է Երևանի քաղաքապետարանը

11.01.2025 | 14:16

Ադրբեջանի հաղորդակցման ռազմավարությունն անամոթ ստի վրա է հիմնված. ԵԽ պատգամավոր

11.01.2025 | 13:49

ԱԺ պատգամավորները կգործուղվեն Ստրասբուրգ՝ մասնակցելու ԵԽԽՎ նստաշրջանին աշխատանքներին

Բոլորը

ՀՀ բարձր տեխնոլոգիական արդյունաբերության նախարար Մխիթար Հայրապետյանը ԲՏԱ փոխնախարար Ռուբեն Սիմոնյանի հետ այցելել է Siemens Industry Software ընկերություն: Այս այցն ընդգծել է Հայաստանի հանձնառությունը՝ զարգացնելու իր տեխնոլոգիական կարողությունները և ամրապնդելու գործընկերային հարաբերությունները համաշխարհային առաջատար ընկերությունների հետ․ տեղեկացնում են գերատեսչությունից։

Այցի ընթացքում ընկերության գլխավոր տնօրեն Իրինա Դումանյանը ողջունել է նախարարին և ներկայացրել Siemens Industry Software-ի ռազմավարական առաջնահերթությունները՝ ընդգծելով ընկերության ներդրումն ամբողջ աշխարհում էլեկտրոնային սարքավորումների և ծրագրային լուծումների մշակման գործում: Դումանյանը հատուկ նշել է աշխատակիցների համար բարենպաստ աշխատանքային պայմանները և մանրամասն նկարագրել կրթական և հետազոտական նախաձեռնությունները՝ համագործակցելով հայկական համալսարանների, այդ թվում՝ Հայաստանի Ամերիկյան Համալսարանի, Հայ-ռուսական համալսարանի և Գիտությունների ազգային ակադեմիայի հետ:

Նախարար Հայրապետյանն ընդգծել է պետություն-մասնավոր արդյունավետ գործընկերության առանցքային դերը Հայաստանի՝ որպես տեխնոլոգիական կենտրոնի հեղինակության ամրապնդման գործում: Նա հատկապես կարևորել է մասնավոր ձեռնարկությունների և ուսումնական հաստատությունների միջև համագործակցությունը՝ որակյալ աշխատուժի, արդյունաբերության պահանջներին համապատասխանող աշխատուժի պատրաստման գործում: Siemens Industry Software-ի դերը մրցակցային անձնակազմի պատրաստման գործում վճռորոշ է համարվել այս նպատակին հասնելու համար:

Siemens Industry Software-ը, որը նախկինում հայտնի էր որպես Mentor Graphics Corporation, էլեկտրոնային սարքավորումների մշակման և ծրագրային լուծումների համաշխարհային առաջատարն է: Ընկերությունը որակյալ խորհրդատվություն և պրեմիում ծառայություններ է մատուցում էլեկտրոնիկայի և կիսահաղորդիչների առաջատար ընկերություններին ամբողջ աշխարհում:

Այցի ընթացքում քննարկվել են նաև Siemens Industry Software-ի ՝ Հայաստանում նոր ենթակառուցվածքների ստեղծման ծրագրերը, այդ թվում ՝ արտադրական ձեռնարկության հնարավոր ստեղծումը: Նախարարը պատրաստակամություն է հայտնել աջակցել այս նախաձեռնություններին ՝ ընդգծելով կառավարության հանձնառությունը՝ Հայաստանում բիզնեսի ընդլայնման և տեխնոլոգիական առաջընթացի համար բարենպաստ պայմաններ ստեղծելու հարցում: