14.12.2025 | 11:41
Ապարանի համայնքապետարանը՝ քամու պատճառած վնասների մասին
Մեծ Բրիտանիան խոշոր խորհրդարանական բարեփոխումներ է ծրագրում
Քաղաքականություն
17.07.2024 | 22:41
Մեծ Բրիտանիայի լեյբորիստական կառավարությունը՝ Քիր Սթարմերի գլխավորությամբ, հայտարարել է խորհրդարանի վերին՝ Լորդերի պալատի բարեփոխման ծրագրերի մասին՝ պալատի ներկայացուցիչների թիվը նվազեցնելու և տարիքային սահմանափակումներ սահմանելու միջոցով։ Այս մասին գրում է The Independent-ը։
Միացյալ Թագավորության միապետ Չարլզ 3-րդն իր ելույթում ներկայացրել է օրինագիծ, որը ենթադրում է Լորդերի պալատում տեղերի ժառանգական փոխանցման պրակտիկայի չեղարկում։
Պաշտոնական փաստաթղթում նշվում է, որ 21-րդ դարում նպատակահարմար չի շուրջ 100 տեղ ամրագրել այն մարդկանց համար, ովքեր ծնվել են որոշ ընտանիքներում։
Հաղորդվում է, որ ստորին պալատում կստեղծվի «արդիականացման հանձնաժողով», որի նպատակը կլինի «բարձրացնել չափանիշները, կատարելագործել աշխատանքային մեթոդները և բարեփոխումների ընթացակարգերը»։
Լորդերի պալատի վերջին խոշոր բարեփոխումն իրականացրել է Թոնի Բլերը՝ ժառանգականորեն փոխանցվող տեղերի թիվը հասցնելով 90-ի։ Այս քայլը պետք է ժամանակավոր փոխզիջում լիներ ավելի լայն փոփոխությունների ճանապարհին, սակայն 25 տարի շարունակ այդ բարեփոխումն ավարտին չի հասցվել։
