13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Ղազախստանում ավարտվել են Ադրբեջանի մասնակցությամբ միջազգային զորավարժությունները
Քաղաքականություն
17.07.2024 | 20:49
Ղազախստանում ավարտվել են «Բիրլեստիկ 2024» միջազգային օպերատիվ-մարտավարական հրամանատարաշտաբային զորավարժությունները, որոնց մասնակցում էր նաև Ադրբեջանը։ Ադրբեջանական լրատվամիջոցների հաղորդմամբ՝ զորավարժությունները դիտելու համար նախօրեին Ղազախստան էր մեկնել Ադրբեջանի ՊՆ ղեկավար Զաքիր Հասանովը։
Նշվում է, որ Ադրբեջանի, Ղազախստանի, Ղրղզստանի, Ուզբեկստանի և Տաջիկստանի ռազմական ղեկավարությունը ժամանել է Կասպից ծովում գտնվող Թոքմակ հրվանդան և հետևել զորավարժությունների վերջին մարտավարական դրվագին։
Զորավարժությունների մասնակիցները միջոցառումներ են իրականացրել Կասպից ծովի ափամերձ գոտում անօրինական զինված խմբավորումների ոչնչացման ուղղությամբ։ Ըստ սցենարի՝ Ադրբեջանի ռազմաօդային ուժերի պարաշյուտային և որոնողափրկարարական խմբերը մարտի դաշտից տարհանել են կործանված մարտական ուղղաթիռի անձնակազմին։
Այս զորավարժություններին Ադրբեջանը ներկայացրել են ցամաքային զորքերի Կոմանդոս ստորաբաժանումների մի խումբ զինծառայողներ, պարաշյուտային և որոնողափրկարարական խումբ և ռազմաօդային ուժերի Սու-25 ինքնաթիռ, ինչպես նաև ռազմածովային ուժերի պարեկային և դեսանտային նավեր:
Վարժանքները մեկնարկել էին հուլիսի 8-ին։ Դրանց մասնակցել են Ադրբեջանի, Ղազախստանի, Ղրղզստանի, Տաջիկստանի և Ուզբեկստանի զինվորականները։
