ՌԴ ՆԳՆ-ն լրագրող Անդրեյ Զախարովի նկատմամբ հետախուզում է հայտարարել

ՌԴ ՆԳՆ-ն հետախուզում է հայտարարել The Insider-ի լրագրող Անդրեյ Զախարովի նկատմամբ, ում դեմ քրեական գործ է հարուցվել «օտարերկրյա գործակալի» պարտականություններից խուսափելու համար (Քրեական օրենսգրքի 330.1-րդ հոդվածի 2-րդ մաս): Mediazona-ն ուշադրություն է հրավիրել տվյալների բազայում առկա քարտի վրա:

Նշվում է, որ գործի հարուցման պատճառ է հանդիսացել մարտի 6-ին և 13-ին առանց «օտարերկրյա գործակալ» պիտակի Telegram-ալիքում «Գաղտնալսում» վերնագրով հեռարձակման մասին գովազդային գրառման համար։

Զախարովի դեմ գործի մասին հայտնի է դարձել ապրիլի 19-ին, երբ ուժայինները եկել են Սանկտ Պետերբուրգում «Ֆոնտանկա»-ի լրագրող Քսենյա Կլոչկովայի տունը խուզարկելու։ «Մոսկովսկի կոմսոմոլեցը» գրել էր, որ խուզարկություններ են կատարվում նաև մի շարք այլ հասցեներում, կոնկրետ որտեղ՝ չի հաղորդվել։

Զախարովը «Ֆոնտանկա»-ում աշխատել է մինչև 2016 թվականը։ Սանկտ Պետերբուրգից Մոսկվա տեղափոխվելուց հետո նա հոդվածներ է գրել ՌԲԿ-ի համար, եղել է BBC-ի ռուսական ծառայության հատուկ թղթակիցը և հետաքննություն է անցկացրել Proekt-ի համար։ 2021 թվականի հոկտեմբերին Արդարադատության նախարարությունը Զախարովին ներառել է «օտարերկրյա գործակալների» ռեգիստրում։ Նույն թվականի դեկտեմբերին լրագրողը հետապնդման պատճառով լքել է Ռուսաստանը։ Նա շարունակում է հետաքննություններ անել, տեսահոլովակներ նկարահանել YouTube-ում, The Insider-ի ալիքում վարել «Գաղտնալսում» հաղորդումը։