09.09.2026 | 18:10
ՌԴ-ից Ադրբեջանի տարածքով գարի ու ցորեն կուղարկվի Հայաստան
ՌԴ-ի կողմից հետախուզվող քաղաքացին ՀՀ-ում ձերբակալվելուց հետո ազատ է արձակվել
Հասարակություն
17.07.2024 | 12:39
Ռուսաստանի Դաշնության կողմից 2022 թվականից հետախուզման մեջ գտնվող Իվան Չ.-ն, որը հուլիսի 16-ին Հայաստան տեղափոխվելուց հետո ձերբակալվել էր, երեկ ազատ է արձակվել։ Այս մասին Factor TV-ի հետ զրույցում հայտնեց Հելսինկյան քաղաքացիական ասամբլեայի Վանաձորի գրասենյակի ներկայացուցիչ Անի Չատինյանը։
«Այս պահին շատ տեղեկություններ հայտնի չեն, քանի որ երեկ, մինչ մեր փաստաբանը կհասնես Իվանի մոտ, նա ազատ է արձակվել և հեռացել։ Այժմ փորձում ենք կապ հաստատել նրա հետ և մանրամասներ ճշտել»,– նշեց Չատինյանը։
Իվան Չ.-ն 2023 թվականի ապրիլից հետախուզվում էր Նիժնի Նովգորոդի մարզի իրավապահների կողմից։ Տեղական լրատվականները հայտնել էին, որ տղամարդը զորամասից փախել է 2022 թվականի գարնանը։
Հուլիսի 16-ին հայտնի դարձավ, որ նա Ղազախստանի Ակտաու քաղաքից ժամանելուց հետո բերման է ենթարկվել «Զվարթնոց» օդանավակայանում։ Դատարանը ռուսաստանցուն կալանքի տակ է վերցրել։
Ռոզա Վարդանյան
