14.01.2026 | 17:08
Քաղաքականության մեջ Եկեղեցու ներգրավված լինելու մեղադրանքը անհիմն է ու անընդունելի․ Մայր Աթոռում ԳՀԽ նիստ է կայացել
Լայնածավալ խափանում է տեղի ունեցել ՌԴ-ի հարավում գտնվող ամենամեծ ատոմակայանում
Քաղաքականություն
16.07.2024 | 19:52
Ռուսաստանում լայնածավալ խափանում է տեղի ունեցել Ռոստովի ատոմակայանում (ԱԷԿ)։ Ավտոմատացված համակարգն անջատել է էներգաբլոկներից մեկը՝ տուրբոգեներատորի հետ կապված խնդիրների պատճառով, հաղորդում է «Ռոսատոմը»։
Ռուսական պետական կորպորացիան վստահեցրել է, որ ֆոնային ճառագայթումը նորմայի սահմաններում է։
Ատոմակայանում խափանման պատճառով, սակայն, Ռուսաստանի հարավում, այդ թվում՝ Կրասնոդարում և Սև ծովի ափին գտնվող բնակավայրերում, խափանվել է էլեկտրամատակարարումը։ Տարածաշրջանում սպառման սահմանափակումներ են մտցվել 1,5 ԳՎտ-ով, հաղորդում է ՌԴ էներգետիկայի նախարարությունը։ Դա արվել է էներգահամակարգի կայունությունը պահպանելու նպատակով, պարզաբանել են վարչությունից։ Վերականգնողական աշխատանքներ են ընթանում։
Միասնական հերթապահ դիսպետչերական ծառայության տվյալներով՝ Կրասնոդարում հուլիսի 16-ի ցերեկը հոսանքազրկվել է մոտ 100 փողոց։ Քաղաքում դադարեցվել է տրամվայների և տրոլեյբուսներըի երթևեկությունը։
Ռոստովի ԱԷԿ-ը բաղկացած է չորս էներգաբլոկից։ Սա երկրի հարավում ամենամեծ կայանն է, դրա հզորությունը 4ԳՎտ է։
Հաստատությունը էլեկտրաէներգիա է մատակարարում ավելի քան 26 միլիոն բնակչություն ունեցող հարավային շրջաններին և Հյուսիսային Կովկասին: Ատոմակայանի երրորդ էներգաբլոկը պլանային սպասարկման է հանձնվել հունիսի 22-ին։
