23.06.2026 | 22:15
Ովքե՞ր կարող են օգտվել կաթի արտադրության սուբսիդավորման ծրագրից և ինչպես դիմել. նախարարությունը մանրամասնում է
Մասկը գաղտնի նվիրատվություններ է անում Թրամփի քարոզարշավի համար․ Bloomberg
Քաղաքականություն
13.07.2024 | 19:46
Միլիարդատեր Իլոն Մասկը, ով սուր քննադատություններ է հնչեցնում ԱՄՆ նախագահ Ջո Բայդենի հասցեին, նվիրատվություն է արել այն քաղաքական խմբին, որն աշխատում է Բայդենի մրցակից՝ Սպիտակ տան նախկին ղեկավար Դոնալդ Թրամփի քարոզարշավի իրականացման համար։ Այս մասին գրում է Bloomberg-ը՝ հղում անելով սեփական աղբյուրներին։
Գործակալության զրուցակիցների խոսքով՝ Մասկը նպաստել է «America PAC» կոչվող խմբին։ Գործարարի կողմից նվիրաբերած ստույգ գումարը չի նշվում, սակայն դրա չափը բնութագրվում է որպես «զգալի»։ Հրապարակման հեղինակները նշում են, որ «America PAC»-ը կարող է անսահմանափակ ներդրումներ ստանալ քաղաքական գործունեության համար, սակայն պետք է հուլիսի 15-ին հրապարակի իր դոնորների ցուցակը։
Նախկինում Մասկը հերքել էր իր մասնակցությունը քաղաքական արշավների հովանավորությանը։ «Միանգամայն պարզ լինելու համար, ես գումար չեմ նվիրաբերում ԱՄՆ նախագահի թեկնածուներից ոչ մեկին»,- գրել է նա «X» սոցիալական ցանցում:
