15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
ԲԱՆԱՎԵՃ․ Փոխե՞լ Սահմանադրությունը․ Ալիևի պահա՞նջ, թե՞ ՀՀ-ի օրակարգ․ ՏԵՍԱՆՅՈՒԹ
Քաղաքականություն
11.07.2024 | 21:15
Հայաստանը պետք է ունենա նախագահակա՞ն, խորհրդարանակա՞ն, թե՞ կիսանախագահական համակարգ, վարչապետի սուպերլիազորությունները պետք է բաշխվե՞ն արդյոք պետական այլ ինստիտուտների միջև, նախագահը պե՞տք է պահպանի ձևականին մոտ ֆունկցիաներ, թե՞ ավելի լայն․ եթե Ադրբեջանի նախագահի պահանջը ՀՀ-ին չլիներ, վստահաբար՝ սահմանադրական փոփոխություններից խոսելիս այս թեմաները կդառնային առաջնայինը։ Նիկոլ Փաշինյանի կառավարությունը նոր Սահմանադրություն ունենալու անհրաժեշտությունից խոսել է դեռ 2020 թվականի պատերազմից առաջ՝ 2019-ից, երբ իշխանությունը խնդիր էր դրել հեռացնել ՍԴ դատավորների։ Անգամ՝ հանրաքվե նշանակվեց, սակայն կորոնավիրուսը չեղարկեց այդ հանրաքվեն։
2020-ի փետրվարին ստեղծվեց Սահմանադրական բարեփոխումների մասնագիտական հանձնաժողով, որը պետք է մինչև հոկտեմբեր ներկայացներ հայեցակարգ, սակայն այս անգամ պատերազմը չեղարկեց այդ պրոցեսը։ 2022-ի հունվարին ստեղծվեց նոր հանձնաժողով, որի աշխատանքը ոչ միայն չեղարկված չէ, այլև կարևոր հարց է դրված՝ արդյո՞ք այս հանձնաժողովը կմշակի Սահմանադրության նոր նախագիծ, որտեղից կհեռացվի Անկախության հռչակագրի դրույթը։ Համենայնդեպս, Ադրբեջանը ՀՀ-ի և ԼՂ-ի վերամիավորման դրույթ պարունակող Հռչակագրի կտորը հանելու պահանջ է դնում՝ պայմանագիր կնքելու դիմաց։
Պե՞տք է փոխվի արդյոք Սահմանադրությունը, և արդյո՞ք Անկախության հռչակագիրը պե՞տք է հանվի․այս հարցադրումներով Factor TV-ի տաղավարում հրավիրված քննարկմանը մասնակցում են Էդգար Ղազարյանը՝ քաղաքական գործիչ, Դավիթ Խաժակյանը՝ ԼՀԿ փոխնախագահ, Դանիել Իոաննիսյանը՝ ԻՔՄ ծրագրերի համակարգող, Վարազդատ Հարությունյանը՝ փաստաբան, Էդգար Վարդանյանը՝ քաղաքագետ։
