09.09.2026 | 14:41
Իսրայելը կփակի Մեծ Բրիտանիայի հյուպատոսությունը Երուսաղեմում՝ ի պատասխան Լոնդոնի պատժամիջոցների
Մենք դաշնակից պետություններ ենք․Էրդողանը խոսել է ԱՄՆ-ի ու Բայդենի հետ հարաբերությունների մասին
Քաղաքականություն
11.07.2024 | 22:44
Թուրքիայի նախագահ Ռեջեփ Թայիփ Էրդողանն ամերիկյան Newsweek-ի հետ հարցազրույցում անդրադարձել է նաև ԱՄՆ-ի և նախագահ Ջո Բայդենի հետ հարաբերություններին։ Նա ԱՄՆ-ին մեղադրել է PKK-ի, Գյուլենական շարժման դեմ բավարար գործողություններ չձեռնարկելու մեջ, հատկապես, երբ ԱՄՆ-ն աջակցում է Սիրիայում քրդերի գլխավորած «Սիրիայի դեմոկրատական ուժերին» (SDF) և հյուրընկալում Գյուլենին Փենսիլվանիայում գտնվող առանձնատանը։
Նշելով, որ ինքը և Բայդենը տարբեր տեսակետներ ունեն մարդու իրավունքների վերաբերյալ, Էրդողանը Պաղեստինի վրա Իսրայելի հարձակումների վերաբերյալ ասել է. «Մենք կարծում ենք, որ Իսրայելի կողմից անմեղ մարդկանց դաժան սպանությունը մարդու իրավունքների կոպիտ խախտում է։ Սակայն ԱՄՆ վարչակազմն անտեսում է այդ խախտումները և իր ամենամեծ աջակցությունն է ցուցաբերում Իսրայելին։ Նա դա անում է՝ մեղսակից լինելով այս խախտումներին»։
Էրդողանը, միաժամանակ, նշել է, որ ԱՄՆ-ն ու Թուրքիան կարող են համաձայնության գալ տարբեր հարցերի շուրջ։
«Ի վերջո, մենք դաշնակից երկրներ ենք։ Մենք կարող ենք խոսել հարաբերությունների մասին, որոնք տատանվում են հանգստության և անհանգիստ ժամանակաշրջանների միջև»,- ասել է նա։
Նշելով, որ իրենք միշտ անկեղծ են Բայդենի հետ հարաբերություններում և հոգ են տանում իրենց բարեկամության զարգացման մասին, Էրդողանը հայտարարել է. «Թուրքիան և ԱՄՆ-ը երկարամյա հարաբերություններ ունեցող երկու դաշնակիցներ են»։
