01.11.2024 | 15:22
Իրանից քաղցրավենիքի պարունակությամբ ծանրոցի անվան տակ թմրամիջոց է տեղափոխել Հայաստան
Ադրբեջանի Մեջլիսի խոսնակը հայտարարել է, թե «Ֆրանսիան փորձում է Հարավային Կովկասը վերածել հակամարտությունների հարթակի»
Քաղաքականություն
11.07.2024 | 17:59
Ադրբեջանի Միլլի Մեջլիսի նախագահ Սահիբա Գաֆարովան Սանկտ Պետերբուգում ընթացող ԲՐԻԿՍ-ի խորհրդարանական ֆորումի ժամանակ ունեցած ելույթում հայտարարել է, որ Հայաստանն ու Ադրբեջանը ներկայում շարունակում են կարգավորման գործընթացը, որը երկարաժամկետ խաղաղություն և կայունություն կբերի Հարավային Կովկասին, հաղորդում են ադրբեջանական լրատվամիջոցները։
Նա, միաժամանակ, մեղադրանքներ է հնչեցրել Ֆրանսիայի հասցեին։
«Ցավոք, մինչ իրական խաղաղության հավանականությունը մեծանում է, մենք կրկին ականատեսն ենք լինում ընտրովի մոտեցումների, երկակի ստանդարտների և գործընթացներին միջամտելու փորձերի։ Մեր տարածաշրջանում այս մոտեցումն ակնհայտորեն կիրառում է Ֆրանսիան, որը տարբեր պատրվակներով փորձում է միջամտել տարածաշրջանային դինամիկային և Հարավային Կովկասը վերածել հակամարտությունների և սեփական ամոթալի նեոգաղութային փորձերի հարթակի։ Սակայն Ադրբեջանի ցուցաբերած կոշտ, վճռական դիրքորոշումը վճռականորեն կանխում է ցանկացած նման փորձ»,- հայտարարել է Գաֆարովան։
