01.11.2024 | 15:22
Իրանից քաղցրավենիքի պարունակությամբ ծանրոցի անվան տակ թմրամիջոց է տեղափոխել Հայաստան
Ադրբեջանը ցանկանում է դառնալ ԲՐԻԿՍ-ի լիիրավ անդամ
Քաղաքականություն
11.07.2024 | 18:24
Ադրբեջանը ցանկանում է դառնալ ԲՐԻԿՍ-ի լիիրավ անդամ, այս մասին հայտարարել է Միլլի Մեջլիսի նախագահ Սահիբա Գաֆարովան` Սանկտ Պետերբուրգում ելույթ ունենալով ԲՐԻԿՍ-ի խորհրդարանական ֆորումի լիագումար նիստում, գրում է ՏԱՍՍ-ը։
«Ադրբեջանն իր արտաքին քաղաքականության մեջ խթանում է երկխոսությունը, համագործակցությունը և համերաշխությունը։ Սա վերաբերում է երկկողմ հարաբերություններին և միջազգային հարթակներում իրականացվող գործունեությանը։ Մասնավորապես, դա վերաբերում է ԲՐԻԿՍ-ի հետ համագործակցությանը։ Ադրբեջանն արդեն հայտնել է ԲՐԻԿՍ-ին միանալու իր ցանկության մասին»,- ասել է նա`նշելով, որ դրան կնպաստի համագործակցության զարգացումը խորհրդարանական մակարդակով:
Գաֆարովան հանդես է եկել միջազգային խորհրդարանական հարթակների շրջանակներում անկեղծ երկխոսության օգտին՝ երկակի ստանդարտներից խուսափելով։ «Խորհրդարանները պետք է նպաստեն համագործակցությանը, կամուրջներ կառուցեն, պայքարեն առճակատման դեմ, որպեսզի չդառնանք երկակի ստանդարտների հարթակ, ինչպես դա տեղի է ունենում, օրինակ, Եվրախորհրդարանում»,-հայտարարել է նա։
