07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
Առողջապահության նախարարն այցելել է «Սևանի հոգեկան առողջության կենտրոն»
09.07.2024 | 18:48
ԱՆ «Սևանի հոգեկան առողջության կենտրոն» է այցելել առողջապահության նախարար Անահիտ Ավանեսյանը:
ՀՀ առողջապահության նախարարությունից տեղեկացնում են, որ շրջայցի ընթացքում նախարարին են ներկայացվել այն փոփոխությունները, որոնք միտված են բուժառուների և բուժանձնակազմի համար պայմանների բարելավմանը:
Կենտրոնում վերջերս վերանորոգվել է ևս մեկ բաժանմունք, կատարվել են ներքին հարդարման, բակային հատվածի բարեկարգման աշխատանքներ:
Անահիտ Ավանեսյանը կենտրոնի ղեկավարության հետ քննարկման ժամանակ հատուկ ուշադրություն է դարձրել նոր սերնդի դեղորայքի կիրառման արդյունավետությանը և նորագույն բուժական մեթոդների ներդրման հնարավորություններին:
Նա հետաքրքրվել է նաև հոգեկան առողջության խնդիրներ ունեցող անձանց համար մշակված սննդակարգով և սննդի պահման պայմաններով:
«Սևանի հոգեկան առողջության կենտրոն»-ում բարեկարգման աշխատանքները շարունակվելու են:
