15.12.2024 | 12:21
Հրդեհ` Երևանի հյուրանոցներից մեկում. դեպքի վայր են մեկնել 6 մարտական հաշվարկ
Եվրախորհրդարանի պատգամավորն «ամոթալի» է որակել Վիկտոր Օրբանի այցը Շուշի
Քաղաքականություն
08.07.2024 | 15:55
Եվրախորհրդարանի պատգամավոր Նատալի Լուազոն քննադատել է Հունգարիայի վարչապետ Վիկտոր Օրբանի մասնակցությունը Արցախի Շուշի քաղաքում հուլիսի 5-6-ն անցկացված Թյուրքական պետությունների կազմակերպության ոչ պաշտոնական գագաթնաժողովին։
«Վիկտոր Օրբանի մասնակցությունը Թյուրքական պետությունների գագաթնաժողովին Հյուսիսային Կիպրոսի ներկայացուցչի հետ և Լեռնային Ղարաբաղի քաղաքներից մեկում ամոթ է Հունգարիայի համար, իսկ սկանդալ՝ Եվրոպայի համար։ Հունգարիայի վարչապետ Օրբանը կասկածի տա՞կ է դնում Կիպրոսի խնդիրը»,- գրել է Լուազոն X-ի իր միկրոբլոգում։
Ավելի վաղ էլ ԵՄ արտաքին գործերի ու անվտանգության հարցերով բարձր ներկայացուցիչ Ժոզեպ Բորելը հայտարարել էր, որ Հունգարիայի վարչապետ Վիկտոր Օրբանը ԵՄ խորհրդի կողմից մանդատ չի ստացել՝ ներկայացնելու կառույցը Թյուրքական պետությունների կազմակերպության գագաթնաժողովում։ Նա հայտարարել էր, որ «ԵՄ-ն մերժում է Կիպրոսի թուրքերի անջատողական միավորումն օրինականացնելու փորձերը և ճանաչում է միայն Կիպրոսի Հանրապետությունը»։
