ՌԴ-ն զանգվածային հրթիռային հարված է հասցրել Ուկրաինային․ Կիևում պայթյուններ են, զոհեր և վիրավորներ կան

Լուրեր

21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
Բոլորը

Այսօր առավոտյան ռուսական զորքերը զանգվածային հրթիռային հարձակում են իրականացրել Ուկրաինայի վրա։ Կիևում և Կիևի մարզում պայթյուններ են հնչել։ Այս մասին հայտնում են Կիևի քաղաքապետ Վիտալի Կլիչկոն և շրջանային ռազմական վարչությունը, գրում է Current time-ը։

Կլիչկոն նշել է, որ պայթյուններից մեկը տեղի է ունեցել Կիևի Սոլոմենսկի թաղամասում, փրկարարներ ու բժշկական խմբեր են մեկնել դեպքի վայր։ Կիևի քաղաքային ռազմական վարչությունն էլ հայտնում է, որ Սոլոմենսկի շրջանում խոցված հրթիռից բեկորներ են ընկել, վնասվել է գրասենյակային շենք։

Մայրաքաղաքի Գոլոսեևսկի շրջանում էլ հրթիռների բեկորներն ընկել են բնակելի տան մոտ, Դնեպրովսկիում բնակելի շենքում բեկորներից հրդեհ է բռնկվել, Դարնիցկիում առանձնատուն է վնասվել, Դեսնյանսկում տուն է այրվում։

Կլիչկոն ավելի ուշ հայտնել է 11 վիրավորի մասին, որից 8-ը հոսպիտալացվել է: Ռազմական վարչությունն էլ հայտնում է 7 զոհի մասին։

Հաղորդվում է, որ հրթիռը հարվածել է մանկական բուժհաստատության տարածքին։ Խոսքը, ըստ որոշ ԶԼՄ-երի, «Օխմատդիտ» մանկական հիվանդանոցի մասին է։

Միաժամանակ, Կրիվոյ Ռոգում պայթյունների մասին է հայտնել քաղաքի պաշտպանության խորհրդի ղեկավար Ալեքսանդր Վիլկուլը։ Հաղորդվում է 10 զոհի և 31 վիրավորի մասին, որից 10-ը ծանր վիճակում են։

Պայթյուններ են տեղի ունեցել նաև Դնեպր ու Կրամատորսկ քաղաքներում։ Դնեպրի քաղաքապետ Բորիս Ֆիլատովը հայտնել է, որ քաղաքում վնասվել են բնակելի շենք և ավտոտեխսպասարկման կետ։

Ուկրաինայի Զինված ուժերի ռազմաօդային ուժերի հրամանատարության հաղորդմամբ՝ Ուկրաինայի տարածքին հարվածներ են հասցվել գերձայնային «Կինժալ» հրթիռներով և «Կալիբր» ու «X-101» թևավոր հրթիռներով։

ՌԴ ՊՆ-ն հրթիռային հարձակումները չի մեկնաբանել։