26.03.2026 | 00:46
Ազատության պողոտայում բռնկված հրդեհը մարվել է
Էրդողանն Աստանայում հանդիպել է Սի Ցզինպինի հետ
Քաղաքականություն
04.07.2024 | 21:58
Թուրքիայի նախագահ Ռեջեփ Թայիփ Էրդողանը այսօր Աստանայում հանդիպել է Չինաստանի նախագահ Սի Ցզինպինի հետ, գրում են թուրքական լրատվամիջոցները։ Նշվում է, որ բանակցությունները կայացել են Ղազախստանի մայրաքաղաքում Շանհայի համագործակցության կազմակերպության (ՇՀԿ) պետությունների ղեկավարների 24-րդ գագաթնաժողովի շրջանակներում։ Հանդիպումը տեղի է ունեցել Անկախության պալատում, որտեղ ընթանում է ՇՀԿ գագաթնաժողովը։ Այն փակ է եղել մամուլի համար։
Հանդիպմանը մասնակցել են Թուրքիայի ԱԳ նախարար Հաքան Ֆիդանը, էներգետիկայի և բնական պաշարների նախարար Ալփարսլան Բայրաքթարը և ֆինանսների նախարար Մեհմեդ Շիմշեքը։
Հավելենք, որ վերջին շրջանում Անկարան փորձում է հարաբերությունները զարգացնել Պեկինի հետ։ Այդ նպատակով էլ հունիսի սկզբին Չինաստան էր այցելել ԱԳ նախարար Հաքան Ֆիդանը։
