05.04.2026 | 21:04
Թրամփը կրկին սպառնում է հարվածներ հասցնել Իրանի էլեկտրակայաններին և կամուրջներին
Գերմանիան Բեռլինում Թուրքիայի դեսպանին կանչել է ԱԳՆ՝ թուրք ֆուտբոլիստի հետ կապված սկանդալի պատճառով
Քաղաքականություն
04.07.2024 | 18:05
Գերմանիան Բեռլինում Թուրքիայի դեսպանին հրավիրել է ԱԳՆ թուրք ֆուտբոլիստ Մերիհ Դեմիրալի կողմից Եվրո-2024-ի Ավստրիայի դեմ խաղում նեոֆաշիստական «Գորշ գայլերի» ժեստը ցուցադրելու ֆոնին, գրում է APF-ը։
«Թուրքիայի դեսպանը կանչվել է այսօր առավոտյան», – ասվում է Գերմանիայի արտաքին գործերի նախարարության հայտարարության մեջ։ Հիշեցնենք, որ Թուրքիայի ԱԳՆ-ն ավելի վաղ Անկարայում Բեռլինի դեսպանին էր կանչել՝ սկանդալի վերաբերյալ Գերմանիայի ներքին գործերի նախարարի հայտարարությունների համար։
«Թուրք աջ ծայրահեղականների խորհրդանիշները տեղ չունեն մեր մարզադաշտերում: Ֆուտբոլի Եվրոպայի առաջնությունը որպես ռասիզմի հարթակ օգտագործելը միանգամայն անընդունելի է։ Մենք ակնկալում ենք, որ ՈւԵՖԱ-ն կհետաքննի գործը և կքննարկի պատժամիջոցները»,- նշել էր Գերմանիայի ներքին գործերի նախարար Նենսի Ֆեյզերը։
Ավելի վաղ էլ ՈՒԵՖԱ-ն հայտնել էր, որ սկսել Թուրքիայի հավաքականի պաշտպան Մերիհ Դեմիրալի կողմից ծայրահեղ ազգայնական «Գորշ գայլեր» կազմակերպության նշանը ցույց տալու հետ կապված։
