Չինաստանի ղեկավար Սի Ցզինպինը և Ադրբեջանի նախագահ Իլհամ Ալիևը երեկ Աստանայում Շանհայի համագործակցության կազմակերպության գագաթնաժողովի շրջանակում ընդունեցին երկրների միջև ռազմավարական գործընկերության հաստատման մասին համատեղ հռչակագիր։ Կողմերը պայմանավորվել են ընդլայնել համագործակցությունը քաղաքական, տնտեսական և մշակութային ոլորտներում, ամրապնդել համագործակցությունը միջազգային հարցերում, համատեղ պաշտպանել երկու երկրների ընդհանուր շահերը և համատեղ առաջ մղել տարածաշրջանային և գլոբալ խաղաղությունը, կայունությունը։ Շաբաթներ առաջ էլ Հայաստանն ու ԱՄՆ-ն են պայմանավորվել գործակցությունը բարձրացնել ռազմավարական գործընկերության աստիճանի։ Նաև՝ Ֆրանսիան է վաճառում ՀՀ-ին՝ «Սեզար» տեսակի հրետանի, այլ զենքեր նույնպես։ ԱՄՆ-ն և Ֆրանսիան խորհրդատուներ ունեն ՀՀ ՊՆ-ում՝ բանակի բարեփոխումներին մասնակցելու։ Վերջին ամսվա ընթացքում Հայաստան են ժամանել ԱՄՆ Պետքարտուղարի երկու տեղակալներ։ ԱՄՆ դեսպանն ասել է՝ ԱՄՆ-ը հպարտ է աջակցել Հայաստանին այս ջանքերում` էներգետիկայի, առևտրի և այլ ոլորտներում․ «Հետագա տարիներին մենք կթարմացնենք մեր ռազմավարական երկխոսությունը և այն կվերածվի ռազմավարական գործընկերության, և որ հուսով է՝ այս համագործակցությունը կամրապնդի Հայաստանի ինքնիշխանությունը»։ Ինչպիսի՞ աշխարհակարգ է ձևավորվում այսօր՝ Արևմուտքի՝ և Արևելքի, Հյուսիսի՝ միջև բաժանարար գծե՞ր են։
Միջազգայնագետ Դավիթ Կարապետյանը Factor TV-ի հետ զրույցում մեկնաբանելով իրավիճակը, ասում է․ «Ալիևի կոկորդին կանգնած է Ֆրանսիան, որը ՀՀ-ին սպառազինություն է մատակարարում, և հիմա նա այս քայլով՝ Չինաստանին ուղղում է Փարիզի դեմ։ Ալիևի ականջն ընկավ Սեզարի գնումը, և ՀՀ-ին մեղադրեց ռևանշիզմի մեջ, թե պատերազմ կլինի․ մենք պետք է շատ ուշադիր լինենք, չբարձրաձայնե՛նք ռազմական գործարքների մասին։ Ադրբեջանը Արևմուտքի դեմ գործարքի գնաց՝ Չինաստանի հետ, ստրատեգիական գործակցության դաշինք կնքելով»,- նշեց Կարապետյանը։
Հարցազրույցն ամբողջությամբ՝ տեսանյութում։
Ռոբերտ Անանյան
