11.08.2026 | 10:51
Զապորոժիեում գիշերային հարվածների հետևանքով զոհերի թիվը հասել է 6-ի
Մեծ Բրիտանիայում խորհրդարանական ընտրություններ են
Քաղաքականություն
04.07.2024 | 13:49
Մեծ Բրիտանիայում հուլիսի 4-ին խորհրդարանի ստորին՝ Համայնքների պալատի ընտրություններ են անցկացվում։ Euronews-ի հաղորդմամբ՝ առավոտյան բացվել են ընտրատեղամասերը Անգլիայի, Շոտլանդիայի, Ուելսի և Հյուսիսային Իռլանդիայի 650 ընտրատարածքներում։ Սա Մեծ Բրիտանիայում առաջին համընդհանուր ընտրություններն են այն բանից հետո, երբ երկիրը դուրս է եկել ԵՄ-ից։
Ընտրատեղամասերը բացվել են տեղական ժամանակով 7-ին: Քվեարկությունը կտևի մինչև ժամը 22:00-ն, որից հետո կհրապարակվեն ընտրողների հարցումների հիման վրա առաջին արդյունքները։
Քվեարկության արդյունքները կամփոփվեն մեկ գիշերվա ընթացքում, և տեղական ընտրատարածքներից շատերը վաղ առավոտյան կհայտարարեն հաղթած թեկնածուներին:
Նշվում է, որ սա առաջին ընտրությունն է այն բանից հետո, երբ 2023 թվականին ընտրատարածքների սահմանները վերագծվել են։ Այս վերանայման արդյունքում Համայնքների պալատում Անգլիան ստացել է 10 տեղ, իսկ Շոտլանդիան և Ուելսը կորցրել են, համապատասխանաբար, 2 և 8 տեղ։
Համայնքների պալատում կա 650 տեղ՝ յուրաքանչյուր տեղական ընտրատարածքից մեկական տեղ:
Բոլոր հարցումները ցույց են տալիս, որ վարչապետ Ռիշի Սունակը և նրա Պահպանողական կուսակցությունը պարտություն են կրելու։ Եթե կանխատեսումներն իրականություն դառնան, կավարտվի Մեծ Բրիտանիայում պահպանողականների կառավարման 14 տարին։
