26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Բելառուսը պաշտոնապես դարձել է Շանհայի համագործակցության կազմակերպության անդամ
Քաղաքականություն
04.07.2024 | 11:44
Աստանայում Շանհայի համագործակցության կազմակերպության (ՇՀԿ) գագաթնաժողովը մեկնարկել է կազմակերպությանը Բելառուսի լիիրավ անդամակցության փաստաթղթերի ստորագրման արարողությամբ, փոխանցում ԲԵԼՏԱ-ն։
Այսպիսով, Բելառուսը դարձել է կազմակերպության տասներորդ լիիրավ անդամը։ ՇՀԿ-ի մյուս անդամներն են՝ Հնդկաստանը, Իրանը, Ղազախստանը, Չինաստանը, Ղրղզստանը, Պակիստանը, Ռուսաստանը, Տաջիկստանը և Ուզբեկստանը։
«Շանհայի համագործակցության կազմակերպությանը Բելառուսի Հանրապետության լիիրավ անդամակցության մասին որոշումն ընդունվել է։ Անկեղծորեն շնորհավորում եմ ձեզ, վստահ եմ, որ այս օրը կդառնա Բելառուսի պատմության մեջ պայծառ էջ»,- դիմելով Բելառուսի ղեկավար Ալեքսանդր Լուկաշենկոյին՝ հայտարարել է գագաթնաժողովը նախագահող Ղազախստանի նախագահ Կասիմ-Ժոմարտ Տոկաևը։
