07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
ԱՄՆ-ն Ուկրաինային հատկացրել է ռազմական օգնության հերթական փաթեթը
Քաղաքականություն
04.07.2024 | 11:20
Սպիտակ տան մամուլի քարտուղար Կարին Ժան-Պիերը Վաշինգտոնում կայացած ճեպազրույցի ժամանակ հայտարարել է, որ նախագահ Բայդենի վարչակազմը Ուկրաինային է հատկացրել ռազմական օգնության ևս մեկ կարևոր փաթեթ, գրում է BBC-ի ռուսական ծառայությունը։
«Միացյալ Նահանգները շարունակում է աջակցել Ուկրաինային ռուսական միջամտության դեմ պայքարում, և սա ապրիլից ի վեր ռազմական օգնության յոթերորդ փաթեթն է», – ասել է նա:
Փաթեթը ներառում է հրթիռներ HAWK հակաօդային պաշտպանության համակարգերի համար, զինամթերք HIMARS-ի համար, 155 մմ և 105 մմ հրետանային արկեր, 81 մմ ականանետային ականներ, TOW հրթիռներ, Javelin և AT-4 հակատանկային համակարգեր, և այլ զինատեսակներ Պենտագոնի պահեստներից։
Փաթեթը ներառում է նաև Patriot և NASAMS համակարգերի համար հրթիռների գնման նոր ֆինանսավորում։
Նշվում է, որ ընդհանուր առմամբ, Ուկրաինային 150 մլն դոլարի չափով ռազմական օգնության հերթական փաթեթն է փոխանցվել, և լրացուցիչ 2,2 մլրդ դոլար էր հատկացվել է Patriot և NASAMS ՀՕՊ համակարգերի համար հրթիռներ գնելու համար։
