29.10.2026 | 17:01
Կարիերայի առաջին քայլերը՝ IDBank-ի հետ․ մեկնարկել է IDream-ի 16-րդ շրջափուլը
Թուրքիայի հավաքականի ֆուտբոլիստի սկանդալային պահվածքից հետո Անկարայում Գերմանիայի դեսպանը կանչվել է ԱԳՆ
Քաղաքականություն
03.07.2024 | 21:55
Անկարայում Գերմանիայի դեսպան Յուրգեն Շուլցը կանչվել է Թուրքիայի ԱԳՆ այն բանից հետո, երբ Թուրքիայի հավաքականի ֆուտբոլիստ Դեմիրալի նկատմամբ կարգապահական հետաքննություն է սկսվել՝ Գերմանիայի ՆԳ նախարար Նենսի Ֆեյզերի՝ ՈՒԵՖԱ-ի կողմից պատժամիջոցներ կիրառելու դիմումից հետո։ Այս մասին հայտնում են թուրքիական լրատվամիջոցները`վկայակոչելով դիվանագիտական աղբյուրներին։
«Թուրք աջ ծայրահեղականների խորհրդանիշները տեղ չունեն մեր մարզադաշտերում: Ֆուտբոլի Եվրոպայի առաջնությունը որպես ռասիզմի հարթակ օգտագործելը միանգամայն անընդունելի է։ Մենք ակնկալում ենք, որ ՈւԵՖԱ-ն կհետաքննի գործը և կքննարկի պատժամիջոցները»,- նշել էր Գերմանիայի ներքին գործերի նախարարը։
Հիշեցնենք, որ ՈՒԵՖԱ-ն հետաքննություն է սկսել Թուրքիայի հավաքականի պաշտպան Մերիհ Դեմիրալի կողմից ծայրահեղ ազգայնական «Գորշ գայլեր» կազմակերպության նշանը ցույց տալու հետ կապված։
