ՀՀ-ն Ֆրանսիայից պիտի ՀՕՊ, կործանիչ խոցող զենքեր գնի․ իհարկե՝ լավ է, որ «Սեզար»-ը եղավ՝ այն ժամանակակից զենք է․Վովա Վարդանով․ ՏԵՍԱՆՅՈՒԹ

ՀՀ Զինված ուժերը կհամալրվի ֆրանսիական «Սեզար» հաուբիցներով։ Ըստ «Ֆիգարո» լրատվամիջոցի՝ 36 համակարգի գնման մասին է խոսքը, որոնք Երևան կհասնեն առաջիկա 15 ամիսների ընթացքում։  Ֆրանսիան կարևոր դեր ունի ռոբոտային տեխնոլոգիաների և ռազմական ավտոմատացման ոլորտում: Այսպիսի տեխնոլոգիաները մեծացնում են զինված ուժերի կարողություններն ու ապահովում անվտանգության բարձր մակարդակ: Ֆրանսիան հաճախ է կնքում խոշոր պայմանագրեր տարբեր երկրների հետ: Օրինակ՝ Rafale կործանիչների վաճառքը Հնդկաստանին, որը մեծ պայմանագիր է և ունի երկարաժամկետ համագործակցության հիմքեր: ՀՀ-ն ստանում է նաև «Բաստիոն» զրահապատ մեքենաներ։ ՀՀ Զինված ուժերի ԳՇ պետի օգնականը վերջերս Factor TV-ի հետ զրույցում պատմում էր, որ հրահանգիչներ են գալու՝ սովորեցնելու դրանք մարտի մեջ կիրառելու հմտությունները։ «Ողջ մնալու արվեստ» կազմակերպության ղեկավար Վովա Վարդանովը Factor TV-ի հետ զրույցում ասում է․

«Ֆրանսիական «Սեզարը» լուրջ զենք է՝ 60 կմ հեռահարությամբ, և այն հնդկական զենքից որակյալ է, հրետանին պատերազմում կարևոր է՝ ճեղքում է առաջնագիծը։ Ֆրանսիան զենք արտադրող եռյակի մեջ է՝ լուրջ և ժամանակակից զինատեսակներ է արտադրում, ունի ուժեղ ռազմարդյունաբերություն։ ՀՀ-ն հակաօդային համակարգեր կարող է վերցնել, նաև՝ հակահթիռային համակարգեր, որ հակառակորդի կործանիչ գրոյաիններին խոցենք։ Մահաբեր զենք պիտի ստանանք Ֆրանսիայից»։

ՀՀ Զինված ուժերի ԳՇ Պետի օգնականը  նաև պատմում էր, որ ՀՀ-ն ԱՄՆ-ի և Ֆրանսիայի աջակցությամբ մեկնարկել է բանակի կերպափոխման գործընթաց։ Նրանք նաև խորհրդատուներ են նշանակելու, որոնք կաշխատեն ՀՀ ՊՆ-ում։ Ֆրանսիան կենտրոնացած է մարտավարական մակարդակի վրա՝ լեռնային, հատուկ ուժեր։ ԱՄՆ-ից անվտանգային կառավարման ինստիտուտը օգնում է անվտանգային տրանսֆորմացիայի հարցում։ Զինված ուժերի ԳՇ Պետի օգնականը պնդեց, որ բարեփոխումների «հիմնական խնդիրն այն է՝ ինչպես դիմագրավել ագրեսիվ հարևանի և հարևանների կողմից ներխուժումներին՝ հաշվի առնելով այն հանգամանքը, որ մեկուսացված ենք բարեկամ երկրներից։ ՀՀ զինված ուժերը պետք է ունակ լինել կազմակերպել մանևրային ռազմական գործողություններ, որոնք խարսխված կլինեն ամուր ինժեներային կառույցների վրա, կվարվեն այնպիսի սոտրաբաժանումների կողմից, որոնք կունենան պատշաճ կրակային հզորություն, ինքնաբավություն, գործողությունների ազատություն»,- նշեց նա։

Խոսելով ԶՈՒ-ի բարեփոխումներից՝ Վարդանովը նշում է․

«Մեր բանակը պիտի մարդակենտրոն լինի, քանի որ զիջում ենք մարդակեր, ջարդարար թուրքական պետություններին 20-ից 23 անգամ՝ բնակչության թվով, և մենք մարդու վրա պիտի դողանք, մեծ կրակային հնարավորությամբ զինուժ պիտի ունենանք։ Բոլորս պիտի զինվոր և զենք արտադրող բանվորներ լինենք՝ ամեն ինչ պաշտպանությանը սկզբունքով։ Անվատնգության համապարփակ համակարգ է անհրաժեշտ ներդնել»։

Հարցազրույցն ամբողջությամբ՝ տեսանյութում։

Ռոբերտ Անանյան