23.09.2026 | 13:50
Ինչու են բանակում ինքնասպանության դեպքեր լինում. նախկին սպան առկա խնդիրներն է մատնանշում․ ՏԵՍԱՆՅՈՒԹ
ԱՄՆ-ի և Ֆրանսիայի օգնությամբ՝ ձեռնարկեցինք ՀՀ Զինված ուժերի կերպափոխման գործընթաց․ ԶՈւ ԳՇ պետի օգնական․ ՏԵՍԱՆՅՈՒԹ
Քաղաքականություն
06.06.2024 | 18:30
«Կանայք և գլոբալ անվտանգային ճարտարապետությունը» մտակենտրոնը «Համապարփակ անվտանգություն և դիմակայունություն» ծրագրի շրջանակում Երևանում կազմակերպել է «Համապարփակ անվտանգություն և դիմակայություն» խորագրով միջազգային գիտաժողով։
Factor TV-ն զրուցել է համաժողովին մասնակցող ՀՀ ԶՈւ ԳՇ պետի օգնական Ժիրայր Ամիրխանյանի հետ։ Ըստ Ամիրխանյանի՝ բանակում բարեփոխումները շեշտակի տեմպ են ստացել 2020 թվականի նոյեմբերի 9-ից։ ԳՇ պետի օգնականի խոսքով՝ իրենց ջանքերը կենտրոնացրել են երկու ուղղությամբ․ մեկը նոր մոդելի պրոֆեսիոնալ սերժանտական կազմի տարածումն էր, իսկ երկրորդը՝ առաջադրանքային ղեկավարումը, որով հրամատարներին լիազորում են ինքնուրույն գործողություններ անել՝ չսպասելով վերադասի հրամաններին։
ԳՇ պետի օգնականի դիտարկմամբ բարեփոխումների ընթացքում հասկացել են, որ միայն վերոնշյալ քայլերով չեն կարող ամբողջական բարեփոխում իրականացնել ռազմական ոլորտում, անհրաժեշտ են խորքային քայլեր՝ սկսած օրենսդրությունից մինչև ֆինանսավորում և գնումների համակարգ։
Ժիրայր Ամիրխանյանի խոսքով՝ մի քանի բարեկամ երկրների՝ մասնավորապես Ֆրանսիայի և ԱՄՆ-ի աջակցությամբ ձեռնարկել են մի գործընթաց, որն անվանում են պաշտպանության ոլորտի կերպափոխում կամ տրանսֆորմացում։
«Հիմնվելով առկա և հնարավոր սպառնալիքների վրա՝ առաջին քայլը մենք արդեն որոշել ենք։ Հիմնական խնդիրն այն է՝ ինչպես դիմագրավել ագրեսիվ հարևանի և հարևանների կողմից ներխուժումները՝ հաշվի առնելով այն հանգամանքը, որ մեկուսացված ենք բարեկամ երկրներից։ Այստեղից եզրակացություն, որ կերպափոխված ՀՀ զինված ուժերը պետք է ունակ լինել կազմակերպել մանևրային ռազմական գործողություններ և այլն»,- նշեց նա։
Հարցազրույցն ամբողջությամբ՝ տեսանյութում։
Ռոբերտ Անանյան
