23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Դաշնակցային հռչակագիրը հաջողությամբ իրագործվում է․ Պուտինն ու Ալիևն Աստանայում բանակցում են
Քաղաքականություն
03.07.2024 | 15:52
Աստանայում Շանհայի համագործակցության կազմակերպության գագաթնաժողովի շրջանակում մեկնարկել են ՌԴ նախագահ Վլադիմիր Պուտինը բանակցությունները Ադրբեջանի նախագահ Իլհամ Ալիևի հետ։ Ռուսական լրատվամիջոցների հաղորդմամբ՝ հանդիպման մեկնարկին Պուտինն ասել է, թե ուրախ է տեսնել Ալիևին՝ հավելելով, որ «համագործակցության ծավալը մեծ է, և եթե հանդիպեին ամեն ամիս, քննարկելու բան կլիներ»։
Նա հայտարարել է, որ Ռուսաստանի և Ադրբեջանի միջև առևտրատնտեսական համագործակցության ոլորտում հարաբերությունները դրական են զարգանում։
«Ցանկանում եմ ձեր ուշադրությունը հրավիրել այն փաստի վրա, որ առանցքային՝ առևտրատնտեսական փոխգործակցության հարցում մեր հարաբերությունները դրական են զարգանում. ավելի քան 4 միլիարդ շրջանառություն և 4,3-4,5 միլիարդ ուղղակի ռուսական ներդրումներ տնտեսության մեջ։ Միտումը լավն է, առաջին կիսամյակում, իմ կարծիքով, կա արդեն 13 տոկոս աճ»,- ասել է Պուտինը։
Նա Ալիևին առաջարկել է քննարկել Հյուսիս-Հարավ միջանցքի նախագծի զարգացումը։
«Ես կցանկանայի նշել մեր ծրագրերը ենթակառուցվածքների ոլորտում և, իհարկե, այստեղ առաջին տեղում է հայտնի Հյուսիս-Հարավ մայրուղին։ Հուսով եմ՝ մենք մի քանի խոսք կասենք այս մասին»,- նշել է ՌԴ նախագահը։
Ալիևն էլ ասել է, որ Ադրբեջանը վճռական է իր տարածքում Հյուսիս-Հարավ միջանցքի ենթակառուցվածքը զարգացնելու հարցում։ Ադրբեջանի նախագահը նաև նշել է երկու երկրների տնտեսությունների ակտիվ փոխգործակցությունը, ազգային արժույթներով փոխադարձ հաշվարկների աճը։ Ալիևը նաև գոհունակություն է հայտնել է, որ 2022 թվականին երկրների միջև ստորագրված դաշնակցային հռչակագիրը հաջողությամբ իրագործվում է։
«Դրա բոլոր կետերն իրենց արտացոլումն են գտնում իրական կյանքում։ Մենք ավելի քան երկու տարի աշխատում ենք որպես դաշնակիցներ և ցուցադրում ենք լավ արդյունք։ Այսօր այդ մասին մանրամասն կխոսենք»,- հայտարարել է Ադրբեջանի նախագահը։
