05.07.2024 | 23:30
Թուրքիայում 8 քուրդ լրագրողներ դատապարտվել են ավելի քան 6 տարվա ազատազրկման
Ուկրաինայի պլանի շրջանակում Թրամփը Պուտինի հետ քննարկում է, թե ՌԴ-ն գրավյալ տարածքների ո՞ր մասը կարող է պահել․ Politico
Քաղաքականություն
03.07.2024 | 16:03
Դոնալդ Թրամփը, որպես ուկրաինական պատերազմի ավարտի իր ծրագրի մաս, բանակցություններ է վարում ՌԴ նախագահ Վլադիմիր Պուտինի հետ այն մասին, թե որքա՞ն տարածք կարող է Մոսկվան պահել օկուպացված ուկրաինական շրջաններից։ Այս մասին գրում է Politico-ն՝ վկայակոչելով Թրամփի հետ կապված ազգային անվտանգության երկու փորձագետների, փոխանցում է Meduza-ն։
Լրատվամիջոցը մանրամասներ չի հայտնում, թե ինչ ձևաչափով են անցկացվում այդ բանակցությունները և ինչ փուլում են, ինչպես նաև՝ թե ինչ տարածքների մասին է խոսքը։ Լրատվամիջոցի աղբյուրների խոսքով՝ Թրամփը դիտարկում է Պուտինի հետ համաձայնության կնքումը, ըստ որի՝ մի շարք երկրներ, հատկապես՝ Ուկրաինան ու Վրաստանը, կարող են ՆԱՏՕ-ին անդամակցել։
Politico-ն ուկրաինական հակամարտության կարգավորումն անվանում է ՆԱՏՕ-ի հետ կապված Թրամփի ավելի մեծ ծրագրի մաս։ Զրուցակիցները պնդում են, որ Թրամփի օրոք ԱՄՆ-ը դժվար թե ամբողջությամբ դուրս գա ՆԱՏՕ-ից, սակայն հնարավոր ապագա նախագահի ծրագրերը ենթադրում են անցում դաշինքի «երկաստիճան համակարգին»։
Դա նշանակում է, որ այն երկրները, որոնք չեն հասնում ծախսերի ՀՆԱ-ի 2%-ին, «չեն օգտվի առատաձեռն պաշտպանական ծախսերից և ԱՄՆ անվտանգության երաշխիքից»։ Նշվում է, որ սա կարելի է համարել Հյուսիսատլանտյան պայմանագրի 5-րդ հոդվածի խախտում, որը երաշխավորում է կոլեկտիվ պաշտպանությունը դաշինքի անդամներից մեկի վրա հարձակման դեպքում։
Ըստ լրատվամիջոցի զրուցակիցների՝ Միացյալ Նահանգները նախատեսում է պահպանել «միջուկային հովանոցը» Եվրոպայի վրա՝ թողնելով իր ռազմաօդային ուժերն ու բազաները Գերմանիայում, Անգլիայում և Թուրքիայում։ Այնուամենայնիվ, հետևակի, զրահատեխնիկայի, նյութատեխնիկական միջոցների և հրետանու հիմնական մասը, ի վերջո, «կհայտնվի եվրոպացիների ձեռքում»:
Հրապարակման համաձայն, ընդհանուր առմամբ, ՆԱՏՕ-ի նկատմամբ Թրամփի նոր մոտեցումը «հավասարազոր է հեղափոխություն», որը Եվրոպան «բացարձակապես ի վիճակի չէ իրականացնել տեսանելի ապագայում»։
Ուկրաինայի նախագահի աշխատակազմի ղեկավար Անդրեյ Երմակը, մեկնաբանելով Թրամփի ծրագրերը Վաշինգտոն կատարած այցի ժամանակ, ասել է, որ Ուկրաինան պատրաստ չէ փոխզիջման գնալ Ռուսաստանի հետ և զիջել ցանկացած տարածք՝ պատերազմը դադարեցնելու համար։
