05.04.2026 | 18:49
Հունգարիա գնացող գազատարի մոտ պայթուցիկ է հայտնաբերվել․ Վուչիչ
Ալիևն Աստանայում է․ սպասվում է նրա հանդիպումը Պուտինի հետ
Քաղաքականություն
03.07.2024 | 13:21
Ադրբեջանի նախագահ Իլհամ Ալիևը ժամանել է Աստանա՝ Ղազախստանի նախագահ Կասիմ Ժոմարտ Տոկաևի հրավերով մասնակցելու Շանհայի համագործակցության կազմակերպության գագաթնաժողովին, գրում են ադրբեջանական լրատվամիջոցները։
Աստանայի միջազգային օդանավակայանում Ալիևին դիմավորել են Ղազախստանի փոխվարչապետ Կանատ Բոզումբաևը, պաշտոնատար այլ անձինք։
Սա Ալիևի երկրորդ մասնակցությունն է Շանհայի համագործակցության կազմակերպության գագաթնաժողովին։ Մինչ այս, Ուզբեկստանի նախագահ Շավքաթ Միրզիյոևի հրավերով նա մասնակցել էր կազմակերպության գագաթնաժողովին, որը տեղի էր ունեցել 2022 թվականի սեպտեմբերի 16-ին Սամարղանդում։
Հավելենք, որ գագաթնաժողովի շրջանակում սպասվում է Ալիևի երկկողմ հանդիպումը ՌԴ նախագահ Վլադիմիր Պուտինի հետ։
