14.01.2026 | 14:47
Տեր Ասողիկ աբեղա Կարապետյանը ՔԿ է հրավիրվել. հարցաքննությունն առնչվում է Սուրբ Գեղարդին
Պեսկովը՝ Ռուսաստանի և Թուրքիայի միջև չլուծված խնդիրների մասին
Քաղաքականություն
03.07.2024 | 13:59
Ռուսաստանի և Թուրքիայի հարաբերություններում չլուծված խնդիրները մնում են, սակայն երկու երկրների ղեկավարությունն էլ քաղաքական կամք ունի դրանք լուծելու համար։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Այնտեղ, որտեղ մեծ աշխատանք է տարվում, որտեղ երկկողմ հարաբերությունների լայն շրջանակ կա, անխուսափելիորեն առաջանում են տարբեր խնդիրներ։ Միանգամայն նորմալ աշխատանքային գործընթաց է։ Սակայն կա դրանք կարգավորելու քաղաքական կամք, առկա է նաև երկկողմ հարաբերությունների և առևտրատնտեսական փոխգործակցության անհրաժեշտ մակարդակ»,- ասել է Պեսկովը։
Նա նաև հայտնել է, որ ՌԴ նախագահ Վլադիմիր Պուտինի՝ Թուրքիա այցը տեղի կունենա ժամանակացույցի համաձայնեցումից անմիջապես հետո։
«Նախագահ Պուտինի՝ Թուրքիայի Հանրապետություն այցի թեման մնում է օրակարգում, այն անպայման տեղի կունենա, երբ հնարավոր լինի համաձայնեցնել ժամանակացույցը։ Այսօր լավ հնարավորություն կլինի քննարկելու այդ այցի հեռանկարները»,- նշել է Կրեմլի խոսնակը։
Նա ընդգծել է, որ Էրդողանի հետ հանդիպումը դեռևս պլանավորվում է պատվիրակությունների հետ, սակայն «հաճախ նախագահը որոշում է անցնել դեմ առ դեմ ռեժիմի»։
Հավելենք, որ այսօր Շանհայի համագործակցության կազմակերպության գագաթնաժողովի շրջանակում սպասվում է Ռուսաստանի և Թուրքիայի նախագահների հանդիպումը։
