16.09.2026 | 10:32
Սան Պաուլո. Էլինա Ավանեսյանը հաղթել է և կարող է մրցել Ալինա Չարաևայի հետ
Ադրբեջանի և ՆԱՏՕ-ի միջև ռազմական համագործակցության հարցեր են քննարկվել
Քաղաքականություն
02.07.2024 | 18:15
Ադրբեջանի պաշտպանության նախարարի առաջին տեղակալ, գլխավոր շտաբի պետ, գեներալ-գնդապետ Քերիմ Վելիևը հանդիպել է Բրունսումում տեղակայված ՆԱՏՕ-ի միացյալ ուժերի հրամանատարության շտաբի պետի տեղակալ, գեներալ-մայոր Ստեֆան Ֆիքսի հետ, որն այցով գտնվում է Բաքվում։
Ադրբեջանի ՊՆ-ի հաղորդմամբ՝ Վելիևը նշել է, որ ՆԱՏՕ-ի հետ հարաբերությունները ներկայում բարձր մակարդակի վրա են։ Ընդգծվել է, որ Ադրբեջանի և ՆԱՏՕ-ի համագործակցությունը կշարունակվի փոխշահավետ լինել, արդյունավետ հանդիպումները կշարունակվեն։
Վելիևը հատկապես նշել է ՆԱՏՕ-ի օպերատիվ հնարավորությունների հայեցակարգի շրջանակում Հյուսիսատլանտյան դաշինքի զգալի ներդրումն ադրբեջանական բանակի ստորաբաժանումների պատրաստման գործում։
Ֆիքսն իր հերթին գոհունակություն է հայտնել Ադրբեջան կատարած հերթական այցի կապակցությամբ՝ ընդգծելով Բաքվի հետ հարաբերությունների հետագա զարգացման կարևորությունը։ Նա դրական է գնահատել ադրբեջանական բանակի զինծառայողների մասնագիտական գործունեությունը ՆԱՏՕ-ի հետ գործընկերության շրջանակում խաղաղապահ առաքելություններում և այլ ոլորտներում:
